Չստացվե՛ց հակահեղափոխությունը, լքեցին մարտի դաշտը․ Պուտինն ասաց՝ «օտբոյ», խառնակությունների ծրագիրը հետ կանչվեց․ Ազատ Արշակյան. ՏԵՍԱՆՅՈՒԹ

Լուրեր

29.03.2024 | 12:58
Պուտինը կհրավիրվի G20-ին միայն ընդհանուր համաձայնության դեպքում․ Մակրոն
29.03.2024 | 12:47
Դատավորները ժողով են հրավիրել․ օրակարգում կարևոր հարցեր են
29.03.2024 | 12:42
Հորն առերևույթ բռնության ենթարկելու, հարևան կանանցից մեկին սպանելու, մյուսի նկատմամբ սպանության փորձ կատարելու համար մեղադրանք է ներկայացվել 40–ամյա տղամարդուն․ նա տեղափոխվել է հոգեկան առողջության կենտրոն
29.03.2024 | 12:34
Սուրբ Զատկի տոնին ընդառաջ, ՍԱՏՄ-ն վերահսկողություն է իրականացնում ձվի արտադրությամբ զբաղվող կազմակերպություններում և իրացման շուկայում
29.03.2024 | 12:27
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
29.03.2024 | 12:15
Հայտնաբերվել է Քրեական օրենսգրքի մի շարք հոդվածների մեղադրանքով հետախուզվողը
29.03.2024 | 12:04
Խուզարկություններ՝ Սեֆիլյանի և ԱԺԲ-ականների բնակարաններում, ՀՀ-ն՝ ԵՄ հավաքի հյուր․ ԼՈՒՐԵՐ
29.03.2024 | 12:01
Ադրբեջանի Մեջլիսի նախագահը՝ Ժնևում Ալեն Սիմոնյանի հետ հանդիպման մասին
29.03.2024 | 11:51
ՌԴ-ն հրթիռներով և անօդաչու սարքերով հարձակվել է Ուկրաինայի վրա. «Ուկրէներգոն» հայտարարել է էներգետիկ օբյեկտների վնասման մասին
29.03.2024 | 11:40
Սևաստոպոլում ռուսական կործանիչ է ընկել ծովը․ ՏԵՍԱՆՅՈՒԹ
29.03.2024 | 11:31
Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ
29.03.2024 | 11:20
NYMEX. Թանկարժեք մետաղների գներն աճել են
29.03.2024 | 10:56
Տարածաշրջանում խառնաշփոթը պայմանավորված է ՌԴ-ի գործողություններով․ Միլլերը՝ Զախարովային ի պատասխան
29.03.2024 | 10:40
Արգելվում է Սոլովյովի հաղորդումների հեռարձակումը ՀՀ-ում` հանրային մուլտիպլեքսի միջոցով
29.03.2024 | 10:35
Որքանո՞վ է հավանական, որ Հայաստանը դառնա ԵՄ անդամության թեկնածու․ զրույց դեսպան Վասիլիս Մարագոսի հետ
Բոլորը

Factor TV-ի զրուցակիցը քաղաքական գործիչ, նախկին պատգամավոր Ազատ Արշակյանն է

-Պարո՛ն Արշակյան, որպես փորձառու քաղաքական գործիչ՝ ասացեք, խնդրեմ, ինչո՞ւ անարդյունք ավարտվեց Ռոբերտ Քոչարյանի, Սերժ Սարգսյանի ղեկավարած ուժերի՝ իշխանափոխության օրակարգով 45 օր տևած պայքարը։ Ի՞նչը ճիշտ չէր հաշվարկել խորհրդարանական ընդդիմությունը։

-Դասալիք եղան, լքեցին մարտի դաշտն ու ճողոպրեցին, գնացին, որ ավելի հարմարավետ տեղերում իրենց գործը շարունակեն կամ էլ ուղղակի հոգնել էին՝ գնացին հանգստանալու։ Երբ կհանգստանան կամ շրջաբերական կստանան ինչ-որ տեղից, որ նորից սկսեն, կգան։ Ես սա հեգնում եմ։ Իսկ ընդհանուր առմամբ՝ որպես ընդդիմություն․․․ հեծանիվի օրինակը կա, հենց որ հեծանիվը կանգ է առնում, հեծանվորդը գլորվում է, իսկ քաղաքականության մեջ եթե ասենք՝ հեծանիվը երկու ոտնակ ունի, մեկը ընդդիմությունն է՝ գլխավոր ոտնակը, և երկրորդ ոտնակը իշխանությունն է։ Այսինքն, նրանք իրար փոխարինելով՝ առաջ պիտի մղեն հեծանվորդին։ Հեծանվորդը մեր հասարակությունն է, իսկ հեծանիվը մեր պետությունն է։ Որպեսզի մեր պետությունն առաջ շարժվի, պետք է անպայման ունենա ընդդիմություն և իշխանություն։ Նրանք, իրար խանգարելով, իրար հրելով պետք է առաջ գնան։ Հիմա մեր հեծանիվը մեկ ոտնակ ունի՝ միայն իշխանությունն է, այսինքն՝ իշխանությունը կորոշի՝ կլինի, չի որոշի՝ չի լինի, իսկ ընդդիմությունը «քաղաքական кухарка»-ի կարգավիճակ ունի։ Դա լուրջ չէ։

-Իրեն այդ կարգավիճակում դրել է ընդդիմությո՞ւնը, թե՞ իշխանությունն է մղել այդպիսի դիրքավորման։ 

-Հավաքվել են գաղափարակից և հոգեհարազատ մարդիկ, դրանք պայքարի մարդ չեն։ Ես դեմ էի նրանց պայքարին և չէի ուզում, որ իրենք հաջողեն։ Ես ուզում էի, որ եթե սկսել են խաղը, այն հասցնեն տրամաբանական ավարտին։ Մի հոգի, որի մասին ես ընդհանրապես վատ-վատ բաներ եմ ասել միշտ, ասաց՝ քանի որ ձախողվել է պայքարը, մանդատը վայր է դնում, հրաժարական է տալիս։ Չի ասում՝ «ես ձախողվել եմ՝ հրաժարական եմ տալիս», չեկիստները չեն սիրում այդպիսի բաներ ասել, ընդունված չէ։ Մարդն ասաց, որ պարտվել են՝ իշխանափոխություն չարեցին, ինքը հրաժարական տվեց։

-Ավելին՝ փլուզվեց Սերժ Սարգսյանի և Արթուր Վանեցյանի հիմնադրած «Պատիվ ունեմ» նախընտրական դաշինքը։ Այդ խմբակցության ղեկավար Արթուր Վանեցյանը հրաժարականի դիմում ներկայացրեց՝ վայր դնելով պատգամավորի մանդատը։ Ինչպե՞ս կգնահատեք այս քայլը։ Արդյո՞ք փողոցում գտնված խորհրդարանական մյուս ուժերն էլ պետք է դիմեն այդ քայլին։

Իշխանափոխության խնդիր էր դրված, չստացվեց, ըստ նրանց՝ հակահեղափոխությունը պետք է հաղթեր, վերականգնվեր հինը, լիդերներն էլ նույնն են։ Հասկանալի, համոզիչ որևէ քաղաքական ծրագիր չկար։ Այն, ինչ այսօր անում է իշխանությունը, իրենք ասում են, որ կանեն այդ նույնը։ Այլընտրանքային ծրագիր պետք է առաջարկվեր մեր հասարակությանը։ Պետք էր հասարակության հետ հարգալից գտնվել։ Եթե ասպարեզ եք դուրս գալիս, մի բան առաջարկեք։ Ի դեպ, որպես երևանցի ասեմ, որ մեզ համար բավականին լուրջ անհարմարություններ էին ստեղծել։ Իրենց ակցիան անհարմարություններ ստեղծեց։

-Ի պատասխան այսպիսի դժգոհությունների՝ ընդդիմության շրջանակներից հակադարձ հարց էին հնչեցնում, որ 2018-ին էլ կային անհարմարություններ, ինչո՞ւ չէիք բողոքում։

-Գիտեք՝ հաղթողին չեն դատում, իրենք դա պետք է իմանան։

-Նրանք ևս մտադիր էին հաղթել քաղաքական այս պայքարում։

-Մտադիր բառը կարելի է մի տեղ գրել մատիտով, հետո՝ ջնջել։ Մտադրությունն ասում են՝ ցանկապատի վրա են գրում, բայց դա դեռ իրականություն չի։

Հարցազրույցն ամբողջությամբ՝ տեսանյութում։

Ռոբերտ Անանյան