21.02.2026 | 14:10
Այրվել է խոտածածկույթ․ հրշեջ-փրկարարներին հաջողվել է կանխել հրդեհի տարածումը
ՀՀ-ն և Ադրբեջանը մոտեցրել են իրենց դիրքորոշումները մի շարք հարցերի շուրջ․ Զախարովա
Քաղաքականություն
22.06.2022 | 17:19
Ռուսաստանը ողջունում է եռակողմ աշխատանքային խմբի գործունեության ակտիվացումը, որը համանախագահում են Հայաստանի, Ռուսաստանի և Ադրբեջանի փոխվարչապետերը՝ Հարավային Կովկասում տնտեսական և տրանսպորտային կապերի ապաշրջափակման նպատակով։ Ամենշաբաթյա ճեպազրույցի ժամանակ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա հիշեցրել է, որ հունիսի 3-ին կայացել է այս խմբի տասներորդ հանդիպումը։
«Կողմերը մոտեցրել են իրենց դիրքորոշումները մի շարք հարցերի շուրջ: Քննարկումները շարունակվել են հունիսի 16-17-ին Սանկտ Պետերբուրգի տնտեսական ֆորումի շրջանակում: Ռուսական կողմը կշարունակի սերտ աջակցություն ցուցաբերել այդ գործընթացին»,- ասել է ՌԴ ԱԳՆ ներկայացուցիչը:
Զախարովան նաև կարևորել է անվտանգության և կայունության մակարդակի բարձրացման ուղղությամբ քայլերի ձեռնարկումը:
Տաթև Ֆռանգյանյան
