17.12.2025 | 12:25
ՔՊ վարչության մեծ մասը դեմ է քվեարկել իմ թեկնածությանը. Հայկ Սարգսյան․ ՏԵՍԱՆՅՈՒԹ
Մոսկվայում ՌԴ-ի և Թուրքիայի ՊՆ պատվիրակությունների բանակցություններ են տեղի ունեցել
Քաղաքականություն
22.06.2022 | 14:18
Մոսկվայում կայացած հանդիպմանը Ռուսաստանի և Թուրքիայի Պաշտպանության նախարարությունների պատվիրակությունները քննարկել են թուրքական առևտրային նավերի անվտանգ ելքը և ուկրաինական նավահանգիստներից հացահատիկի արտահանումը։ Այս մասին հայտնում են ՌԴ ՊՆ-ից, գրում է ՏԱՍՍ-ը։
«Հունիսի 21-ին Մոսկվայում տեղի են ունեցել բանակցություններ ՌԴ Պաշտպանության նախարարության և Թուրքիայի Ազգային պաշտպանության նախարարության պատվիրակությունների միջև։ Կողմերը քննարկել են թուրքական առևտրային նավերի անվտանգ ելքը և հացահատիկի արտահանումը ուկրաինական նավահանգիստներից, ինչպես նաև Սև ծովում անվտանգ նավարկություն ապահովելու մոտեցումները»,- ասվում է ՌԴ ՊՆ հաղորդագրության մեջ։
Նշվում է, որ կողմերն ընդգծել են երկկողմ համագործակցության կարևորությունը, որը թույլ է տվել թուրքական բեռնատար «Azov Concorde» նավին լքել Մարիուպոլի նավահանգիստը։ Պայմանավորվածություն է ձեռք բերվել՝ շարունակել խորհրդակցությունները։
Էմմա Չոբանյան
