17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Ուկրաինայի ռազմական ծախսերը հասնում են ամսական 5-6 միլիարդ դոլարի․USAID
Քաղաքականություն
22.06.2022 | 11:11
Ուկրաինայի իշխանությունները ստիպված են ամսական մինչև 5-6 միլիարդ դոլար ծախսել «այս պատերազմը կառավարելու համար», հանրային թոք-շոուի ժամանակ հայտարարել է ԱՄՆ Միջազգային զարգացման գործակալության (USAID) ղեկավար Սամանթա Փաուերը «The Way Forward» (The Way Forward) թոք-շոուի ժամանակ, որտեղ նա պատասխանել է Համաշխարհային բանկի խմբի նախագահ Դեյվիդ Մալպասի հարցերին, փոխանցում է DW-ի ռուսական ծառայությունը:
Փաուերի խոսքով՝ դրանք «ապշեցուցիչ» ծախսերը են, և նույնիսկ 7,5 միլիարդ դոլարը, որը ԱՄՆ վարչակազմը պատրաստվում է հատկացնել Ուկրաինային օգնության համար, բավարար չեն լինի պատերազմի ծախսերը հոգալու համար: «Մենք գիտենք, որ այս գումարը չի բավականացնի, գիտենք, որ ապագայում էլ ավելի անմիջական բյուջետային աջակցություն է պահանջվելու»,- ընդգծել է USAID –ի ղեկավարը։
Խոսելով Ուկրաինայի դեմ Ռուսաստանի պատերազմի երկարաժամկետ հետևանքների հետ կապված խնդիրների մասին՝ Մալպասը և Փաուերը քննարկել են համաշխարհային պարենային անվտանգությանը սպառնացող վտանգները։
Փաուերի խոսքով՝ Պուտինը «սննդամթերքն ու միջազգային օգնությունը վերածում է զենքի՝ այն օգտագործելով որպես Ուկրաինայում պատերազմի գործիք, զենքի է վերածում համաշխարհային սովն ու օգտագործում է ապատեղեկատվությունը՝ փորձելով հավատացնել զարգացող երկրներին, որ սննդամթերքի հետ կապված այդ խնդիրների պատճառը պատժամիջոցներն են, այլ ոչ թե ՌԴ գործողությունները՝ այդ թվում նաև ուկրաինական նավահանգիստների արգելափակումը։
Տաթև Ֆռանգյան
