19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Թուրքերի 70 տոկոսն ի վիճակի չէ մեկնել հանգստի՝ ֆինանսական դժվարությունների և աննախադեպ գնաճի ֆոնին․ հետազոտություն
Քաղաքականություն
21.06.2022 | 23:30
Թուրքերի 70 տոկոսը մտադիր չէ մեկնել արձակուրդ՝ աշխատավարձերի կրճատման ու աննախադեպ գնաճի պայմաններում։ Թուրքական լրատվամիջոցների հաղորդմամբ՝ այս մասին ասվում է Metropoll ընկերության հետազոտության մասին։
«2022 ներքին զբոսաշրջության ակնկալիքներ» խորագրով հարցման շրջանակում քաղաքացիներին հարցրել են արձակուրդային ծրագրերի մասին։ Պարզվել է, որ մասնակիցների միայն 12,8 տոկոսն է ասել, որ գնալու է հանգստավայր, իսկ 10 տոկոսն ասել է, որ պարզապես այցելելու է հայրենի քաղաքներ։
Արձակուրդի գնալ պատրաստվողները չեն վերջնականացրել իրենց պլանները, թե որտեղ են մնալու և հայտնել են, որ իրենց արձակուրդի համար հատկացրել են միջինը 8000 լիրա բյուջե:
Թուրքիայում վերջին տնտեսական ճգնաժամը թուրքերին թողել է հուսահատ վիճակում։ Մարդկանց մեծամասնությունն ասում է, որ իրենց ֆինանսական վիճակը զգալիորեն վատացել է վերջին մի քանի ամիսների ընթացքում, քանի որ աշխատավարձերը նվազում են գնաճի պայմաններում:
Պաշտոնական տվյալների համաձայն՝ Թուրքիայի գնաճի մակարդակը հասել է երկու տասնամյակի ամենաբարձր մակարդակին՝ 73,5 տոկոսի, որի արդյունքում քաղաքացիները դժվարությամբ են ապահովում իրենց հիմնական կարիքները:
Էմմա Չոբանյան
