18.07.2026 | 19:00
Wildberries-ը 2 մլն ռուբլի կվճարի ԱԹՍ-ների հարձակման հետևանքով զոհվածների ընտանիքներին, կփոխհատուցի նաև վաճառողների վնասները
Չեխովի անվան դպրոցում չորրորդ փորձից տնօրեն է ընտրվել
Հասարակություն
21.06.2022 | 19:26
Մայրաքաղաքի Ա․ Չեխովի անվան համար 55 դպրոցում այսօր տնօրենի հերթական ընտրություններն էին, որոնց արդյունքներով տնօրենի պաշտոնում ընտրվել է տնօրենի ժամանակավոր պաշտոնակատար Դիանա Մինասյանը։
Տնօրենի պաշտոնի համար պայքարում էր նաև նախկին ժամանակավոր պաշտոնակատար Տաթևիկ Մելքոնյանը։
Նշենք, որ սա այս դպրոցում տնօրեն ընտրելու արդեն 4-րդ փորձն էր։ Ապրիլի 14-ին տեղի ունեցած ընտրությունների ժամանակ աջադրված 4 թեկնածուներից մեկն ինքնաբացարկ էր հայտնել։ Անժելա Կարապետյանը, որն առաջադրվել էր այլ դպրոցից, ստացել էր 1 ձայն։ Տնօրենի ժամանակավոր պաշտոնակատար Դիանա Մինասյանը և նախկին պաշտոնակատար Տաթևիկ Մելքոնյանը հավասար՝ 4-ական ձայն էին հավաքել։ Ըստ օրենսդրության՝ դպրոցի տնօրենին ընտրում է խորհուրդը, որը կազմված է 9 անդամից՝ 2 մանկավարժ, 2 ծնող, 4 լիազոր մարմնի՝ քաղաքապետարանի ներկայացուցիչ, 1-ը՝ ԿԳՄՍ նախարարությունից։
Հիշեցնենք, որ ծնողների մի մասը դեմ էր տնօրենի պաշտոնում Դիանա Մինասյանի ընտրությանը, քանի որ պնդում էին, թե Մինասյանը չունի մանկավարժական կրթություն, դպրոցում աշխատելու և աշակերտների հետ շփվելու փորձ։ Պնդում էին, որ Մինասյանը նախկին փոխվարչապետ Տիգրան Ավինյանի ընկերոջ կինն է, իսկ նրա քույրն աշխատում է Կառավարությունում։ Ինքը՝ Մինասյանը, հերքել էր Ավինյանի հետ առնչություն ունենալու լուրերը, բայց հաստատել, որ քույրն աշխատում է Կառավարությունում։
Արփի Հակոբյան
