07.08.2026 | 22:37
«300 դպրոց, 500 մանկապարտեզ» ծրագիրը կշարունակվի և կընդլայնվի. Տիգրան Խաչատրյան
Հայկ Կոնջորյանը հանդիպել է ՀՀ-ում Նիդեռլանդների դեսպանի հետ
21.06.2022 | 20:55
ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը հանդիպել է Հայաստանի Հանրապետությունում Նիդերլանդների Թագավորության արտակարգ եւ լիազոր դեսպան Նիկո Սխերմերսին: Այս մասին տեղեկացնում է խորհրդարանի մամուլի ծառայությունը։
Քննարկվել են Հայաստանի եւ Նիդերլանդների միջեւ միջխորհրդարանական կապերի զարգացման հեռանկարները, խորհրդարանական դիվանագիտության զարգացմանը միտված հարցերը:
Խմբակցության ղեկավարը եւ դեսպանը կարեւորել են Հայաստանում ժողովրդավարական ինստիտուտների կայացումը եւ այս ուղղությամբ Նիդերլանդների Թագավորության հետ համագործակցության խորացումը:
Նրանք ուշադրություն են դարձրել խորհրդարանի՝ որպես ժողովրդավարության կարեւորագույն ինստիտուտներից մեկի զարգացման եւ ամրապնդման հնարավորություններին, ինչպես նաեւ համագործակցության հեռանկարներին:
