09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Եվրոպան չի կարող իրեն պաշտպանել առանց ԱՄՆ-ի․ Լեհաստանի ԱԳ նախարար
Քաղաքականություն
21.06.2022 | 23:08
Լեհաստանի ԱԳ նախարարը հայտարարել է, որ մայրցամաքում ներկա ճգնաժամը ցույց է տալիս, որ Եվրոպան չի կարող իրեն պաշտպանել առանց ԱՄՆ-ի, սակայն ՆԱՏՕ-ի անդամները տարածաշրջանում պետք է ավելի շատ պատասխանատվություն ստանձնեն իրենց պաշտպանության համար, գրում է timesunion-ը։
«Լեհաստանը դիտարկում է Միացյալ Նահանգների ներգրավվածությունը եվրոպական անվտանգությանը՝ որպես Եվրոպայում խաղաղության հիմնարար պայման»,- ասել է ԱԳ նախարար Զբիգնև Ռաուն Լեհաստանի դեսպանների հավաքի ժամանակ։
Նա նշել է, որ ՆԱՏՕ-ում ԱՄՆ ղեկավարությունը կարևոր դեր է խաղում «2016 թվականին ռուսական սպառնալիքին արագ և արդյունավետ հարմարվելու» որոշման համար: Հենց այդ ժամանակ ՆԱՏՕ-ն ավելացրեց իր ներկայությունը դաշինքի արևելյան թևում՝ 2014 թվականին Ռուսաստանի կողմից ուկրաինական Ղրիմի թերակղզու գրավումից և Ուկրաինայի արևելյան Դոնբասի շրջանի ապստամբներին աջակցությունից հետո:
«Ներկայիս ճգնաժամը հստակ ցույց է տալիս, որ առանց Միացյալ Նահանգների Եվրոպան չի կարող իրեն պաշտպանել»,- ասել է Ռաուն՝ հավելելով, որ Վաշինգտոնը չպետք է իր վրա վերցնի «ամբողջ պատասխանատվությունը», որը նաև «հենվում է եվրոպական դաշնակիցների ուսերին»:
Էմմա Չոբանյան
