10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Ղարիբաշվիլին անարդար է համարել Վրաստանին ԵՄ անդամության թեկնածուի կարգավիճակ չտալու՝ Եվրահանձնաժողովի որոշումը
Քաղաքականություն
21.06.2022 | 17:03
Վրաստանի վարչապետ Իրակլի Ղարիբաշվիլին անարդար է համարել այն, որ Եվրահանձնաժողովը խորհուրդ է տվել Ուկրաինային և Մոլդովային տրամադրել ԵՄ անդամության թեկնածու երկրի կարգավիճակ,Վրաստանին՝ ոչ, գրում է ՌԻԱ Նովոստին։
Եվրահանձնաժողովն անցած ուրբաթ երաշխավորեց՝ Ուկրաինային և Մոլդովային տրամադրել թեկնածու երկրների կարգավիճակ՝ ԵՄ-ին անդամակցելու շուրջ բանակցություններ սկսելու մի շարք նախապայմանների կատարմամբ։ Վրաստանին նման կարգավիճակ Եվրահանձնաժողովը խորհուրդ չի տվել տրամադրել։
«Անարդարացի է»,- ասել է Ղարիբաշվիլին՝ պատասխանելով Bloomberg-ի գլխավոր խմբագրի խնդրանքին՝ մեկնաբանել Եվրահանձնաժողովի որոշումը։
«Եվրոպացի առաջնորդներից մենք լսել ենք, որ նրանք որոշել են Ուկրաինային կարգավիճակ տալ, քանի որ Ուկրաինան պատերազմի մեջ է, իսկ Մոլդովան հարևան երկիր է, որը շատ մոտ է Ուկրաինային և գտնվում է շատ ծանր իրավիճակում»,- հավելել է նա։
Վրաստանի վարչապետի խոսքով՝ եթե դա լիներ արժանիքների վրա հիմնված մոտեցում, ապա Վրաստանն առաջինը կստանար ԵՄ անդամության թեկնածուի կարգավիճակ։
Նա նաև պարզաբանել է, որ Թբիլիսին քաղաքականապես աջակցում է Կիևին, սակայն չի կարող պատժամիջոցներ կիրառել Ռուսաստանի դեմ, քանի որ երկիրն ունի իր ազգային շահերն ու մարտահրավերները, դրանք գտնվում են «խոցելի վիճակում»։
Էմմա Չոբանյան
