19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Դուք «вообще» ո՞վ եք, նախկին իշխանությանը տվել-անցել եք․ վիճաբանություն՝ ավագանու նիստի ընթացքում․ ՏԵՍԱՆՅՈՒԹ
Քաղաքականություն
21.06.2022 | 15:49
«Ես չեմ կարող անտարբեր մնալ քաղաքն այդքան ատելուն. չգիտես ինչու ավագանու այս անդամի բոլոր ներկայացրած նախագծերը վերաբերում են փակելուն, լուծարելուն, միացնելուն, քրքրելուն»,- Երևանի ավագանու նիստում այս մասին նշեց ավագանու «Լույս» խմբակցության անդամ Անի Խաչատրյանը՝ անդրադառնալով Արման Անտոնյանի՝ Երևանի մի շարք համայնքային ոչ առևտրային կազմակերպություններ վերակազմակերպելու, անվանափոխելու, կանոնադրությունները նոր խմբագրությամբ հաստատելու մասին նախագծին:
Խաչատրյանի կարծիքով՝ նախագիծը չի կարող քննարկվել ավագանու այսօրվա նիստում. «Այս նախագիծը չէր կարող մշակույթի հանձնաժողովում քննարկվել, սա իրավական հանձնաժողովի նախագիծ է: Քանի որ չի եկել իրավական հանձնաժողով, չի կարող այս նիստում քննարկվել: Պարոն Վիրաբյանը ժամանակին հստակ գնահատականներ էր տալիս տվյալ ավագանու անդամի՝ քաղաքի հերն անիծող նախագծերին»:
«Էստեղ խոսում եք գեղասահքի դպրոցի մասին, դուք ո՞վ եք «вообще», որ գեղասահքի դպրոց քննարկեք: Խոսե՞լ եք, կարծիք հարցրե՞լ եք, թե ի՞նչ է արել Երևանը առհասարակ գեղասահքի դպրոցի համար: Հարցրե՞լ եք Գեղասահքի դպրոցի բարերարի կարծիքը, ով կառուցել է այդ շենքը: Այս նախագիծը մի քիչ փոփոխվել է, ավելի է այլանդակվել ու բերվել այսօր օրակարգ…
Եթե գնում եք նախորդ իշխանությունների սկզբունով, որ բերել ենք, պիտի անցկացնենք, ուրեմն էսօր կանցկացնեք… Նախկին իշխանությանը տվել, անցել եք»,- ասաց ավագանու ընդդիմադիր անդամը:
Մանրամասները՝ տեսանյութում:
