28.07.2026 | 09:45
Վթարային ջրանջատում Լոռու մարզում
«Տուն՝ դեպի Եվրոպա». Թբիլիսիում բազմամարդ ակցիա է անցկացվել Վրաստանի եվրաինտեգրման օգտին
Քաղաքականություն
21.06.2022 | 15:58
Հազարավոր մարդիկ երկուշաբթի երեկոյան Վրաստանի մայրաքաղաքի կենտրոնում գտնվող խորհրդարանի շենքի դիմաց են հավաքվել՝ Վրաստանի և Եվրամիության դրոշներով։ Շատերը եղել են անգլերեն գրությամբ «Մենք Եվրոպա ենք» պաստառերով, գրում է BBC-ի ռուսական ծառայությունը:
Ակցիային, որը կազմակերպել էին «Ամոթ» քաղաքացիական շարժումն ու մի շարք այլ քաղաքացիական կազմակերպություններ, միացել է ընդդիմության մեծ մասը, ուսանողներ, իրավապաշտպաններ։
«Այսօր, չնայած մեր հայացքների տարբերությանը, մենք միասնական ենք այն հարցում, որ Վրաստանը պետք է գոյատևի և գոյատևի եվրոպական, ոչ թե ռուսական տարածքում»,- հանրահավաքում ասել է գրող և դրամատուրգ Լաշա Բուգաձեն՝ արժանանալով հանդիսատեսի ծափահարություններին:
«Մենք սպասում ենք հունիսի 24-ին Եվրամիության «դատավճռին», որտեղ քաղաքական առաջնորդները կորոշեն՝ արդյո՞ք Վրաստանը կստանա ԵՄ անդամության թեկնածու երկրի կարգավիճակ։ Մենք հիշում ենք, թե Մոլդովայի և Ուկրաինայի հետ եռյակն ինչպես է ստեղծվել Վրաստանի պատճառով, և Վրաստանը դրա դրոշակակիրն էր։ Օլիգարխիան և այս իշխանությունն ամեն ինչ արել են, որ մենք ինչ-որ տեղ հետ լինենք, ոչ թե առաջ՝ ինչպես պատմականորեն արժանի ենք»,- ասել է նա։
Վրաստանը, ինչպես և Մոլդովան, ԵՄ-ին անդամակցելու պաշտոնական հայտ է ներկայացրել մարտի 3-ին: Մինչ այդ, Ուկրաինա Ռուսաստանի ներխուժումից անմիջապես հետո, Կիևը նույնպես դիմել է ԵՄ-ին։
Տաթև Ֆռանգյան
