09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պատրուշևը Կալինինգրադի տրանսպորտային շրջափակման համար սպառնացել է լիտվացիների համար լուրջ հետևանքներով
Քաղաքականություն
21.06.2022 | 19:38
ՌԴ Անվտանգության խորհրդի քարտուղար Նիկոլայ Պատրուշևը Կալինինգրադի մարզ կատարած այցի ընթացքում ազգային անվտանգության հարցերով խորհրդակցություն է անցկացրել, որի ընթացքում ասել է, որ արևմտյան քաղաքականության հիմնական շարժառիթը Ռուսաստանի դեմ պայքարն է, գրում է Gazeta-ն։
Նա թշնամական է անվանել Կալինինգրադի շրջանի դեմ տրանսպորտային շրջափակում իրականացնելու՝ Լիտվայի որոշումը և խոստացել, որ Ռուսաստանի պատասխանը զգայուն կլինի լիտվացի ժողովրդի համար։
«Նման թշնամական գործողություններին, բնականաբար, Ռուսաստանը կարձագանքի։ Համապատասխան միջոցները մշակվում են միջգերատեսչական ձևաչափով և առաջիկայում կընդունվեն։ Դրանց հետևանքները լուրջ բացասական ազդեցություն կունենան Լիտվայի բնակչության վրա»,- ասել է Պատրուշևը։
Հիշեցնենք, որ Լիտվան արգելել է իր տարածքով ՌԴ Կալինինգրադի մարզ բեռնափոխադրումները։
Էմմա Չոբանյան
