06.11.2024 | 19:28
ՀՀ գլխավոր դատախազը Հաագայում հանդիպել է Եվրաջասթի նախագահի հետ
ԵՏՄ երկրները պայմանավորվել են Եվրոպա-Չինաստան տրանսպորտային միջանցքների զարգացման շուրջ
Քաղաքականություն
21.06.2022 | 14:49
Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը հայտնել է, որ Միության անդամ երկրները պայմանավորվել են Եվրոպա-Արևմտյան Չինաստան եվրասիական տրանսպորտային միջանցքների զարգացման անհրաժեշտության շուրջ, գրում է ՌԻԱ Նովոստին։
«Որոշում է ընդունվել՝ ուղղված տրանսպորտային ենթակառուցվածքների զարգացման աշխատանքների ակտիվացման, այդ թվում՝ եվրասիական տրանսպորտային միջանցքների ու երթուղիների շուրջ»,- ասել է Մյասնիկովիչը Մինսկում ԵՏՄ միջկառավարական խորհրդի նիստից հետո լրագրողների հետ զրույցում։
Մասնավորապես, նրա խոսքով, կա առաջարկ Հայաստանում կառուցել հարավային երկաթուղի, վերակառուցել M1 մայրուղին՝ Եվրոպա-Արևմտյան Չինաստան ավտոմոբիլային երթուղու զարգացման համար դեպի Բելառուս ճյուղով, կառուցել Եվրոպա-Արևմտյան Չինաստան երկաթուղին, Չինաստան-Ղրղզստան-Ուզբեկստան երկաթուղին։
«Սա ձևավորում է Եվրոպա-Արևմտյան Չինաստան միջազգային տրանսպորտային միջանցքը»,- հայտարարել է Մյասնիկովիչը։
Էմմա Չոբանյան
