28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
Ռուսական գերության մեջ հայտնված ԱՄՆ երկու քաղաքացիները պահվում են Դոնեցկում․ ԶԼՄ-ներ
Քաղաքականություն
21.06.2022 | 15:05
Ռուսական գերության մեջ ընկած ԱՄՆ երկու քաղաքացիները գտնվում են Դոնեցկում։ Այս մասին հաղորդել է «Ինտերֆաքս» գործակալությունը՝ վկայակոչելով Դոնեցկի ուժային կառույցներին, փոխանցում է BBC-ի ռուսական ծառայությունը։
Ավելի վաղ էլ ամերիկյան լրատվամիջոցների հետ զրույցում ՌԴ նախագահի խոսնակ Դմիտրի Պեսկովն ասել էր, որ չի կարող երաշխավորել, որ ռուսական գերության մեջ գերի ընկած ամերիկացի զինվորները, որոնք որպես կամավոր կռվել են ուկրաինական բանակի հետ, մահապատժի չեն ենթարկվի։ Պեսկովի խոսքով՝ այդ ամերիկացիներն առնչություն չունեն ուկրաինական բանակի հետ, հետևաբար՝ նրանք չեն ենթարկվում Ժնևյան կոնվենցիաների դրույթներին։
Հիշեցնենք՝ ավելի վաղ արևմտյան լրատվամիջոցները հայտնել էին, որ ԱՄՆ նախկին երկու զինվորականներ Ալեքսանդր Դրյուկն ու Էնդի Հյունը, որոնք որպես կամավորներ կռվել են ուկրաինական բանակում, Խարկովի մոտակայքում գերի են ընկել։
Էմմա Չոբանյան
