23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Անիմաստ բան է, պետք է վերանա այս մրցավազքը․ Ռուբեն Բաբայանը՝ պատվավոր կոչումների չեղարկման մասին․ ՏԵՍԱՆՅՈՒԹ
Մշակույթ
21.06.2022 | 13:20
ՀՀ ԿԳՄՍ նախարարությունն առաջարկում է վերանայել «ՀՀ պետական պարգևների ու պատվավոր կոչումների մասին» օրենքի ՀՀ ժողովրդական արտիստի, ՀՀ ժողովրդական նկարչի, ՀՀ վաստակավոր արտիստի և ՀՀ վաստակավոր նկարչի պատվավոր կոչումները դրույթը և մշակույթի ու արվեստի բնագավառի համար, որպես վաստակի գնահատման չափանիշ, պահպանել ՀՀ արվեստի վաստակավոր գործչի և ՀՀ մշակույթի վաստակավոր գործչի պատվավոր կոչումները:
Ի՞նչ են տալիս կոչումները արվեստագետներին: Հովհաննես Թումանյանի անվատ տիկնիկային թատրոնի գեղարվեստական ղեկավար Ռուբեն Բաբայանի կարծիքով՝ դրանք բացարձակ անիմաստ բան են:
«Ի դեպ, չի կարելի իդեալականացնել նաև ժողովուրդ բառը՝ ժողովուրդը էսպես որոշեց, էնպես որոշեց : Եթե մենք գնանք ժողովրդի քմահաճույքով, Հայաստանի Հանրապետության օրենքը կլինի «Անապատի արևը» կամ «Պատրոնդաշս կապելը»… Իսկ եթե մի քիչ անցնենք ավելի քաղաքական դաշտ, ապա կհիշենք, որ ամենաբռնատիրական պետությունները՝ և՛ անցյալում, և՛ հիմա, կոչվում են ժողովրդական հանրապետություններ, որովհետև ժողովրդավարական երկիրն իրեն ժողովրդական չի կոչում, դա սպեկուլյացիա է:
Ուրիշ հարց՝ կապված այս չեղարկման հետ: Կարծում եմ, որ նման որոշում պետք է կայացվեր ամենաբարձր մակարդակում և չվերաբերեր միայն մշակույթի ոլորտին, որովհետև մենք ունենք վաստակավոր շինարար, վաստակավոր բժիշկ և այլն, այդպես կարելի է շարունակել մինչև վաստակավոր կոշկակար և բանկի վաստակավոր աշխատող, վաստակավոր լրագրող և այլն… Դա ավելորդ, մթնոլորտն աղտոտող երևույթ է»,- նշեց Բաբայանը՝ հավելելով, որ պետք է այդ անիմաստ մրցավազքը վերանա:
Մանրամասները՝ տեսանյութում:
