19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Իսրայելի վարչապետը հայտարարել է, որ Թուրքիայի հետ խափանել են իսրայելցիների վրա հարձակվելու` Իրանի ծրագրերը
Քաղաքականություն
20.06.2022 | 23:07
Իսրայելի և Թուրքիայի իշխանությունները համատեղ կանխել են Իրանի աջակցությունը վայելող ահաբեկիչների կողմից թուրքական տարածքում Իսրայելի քաղաքացիների վրա հարձակման մի քանի փորձերը։ Այս մասին հայտարարել է Իսրայելի վարչապետ Նաֆտալի Բենեթը, գրում է ՏԱՍՍ-ը։
«Թուրքիայի անվտանգության ուժերի հետ համատեղ ձեռնարկված օպերատիվ ջանքերը տվել են իրենց արդյունքը: Վերջին օրերին իսրայելա-թուրքական համատեղ գործողությունների ընթացքում մենք կանխել ենք մի շարք ահաբեկչական հարձակումներ, բազմաթիվ ահաբեկիչներ ձերբակալվել են Թուրքիայի տարածքում»,- ասել է Բենեթը ճեպազրույցի ժամանակ։
Նա նշել է, որ կշարունակեն սերտ համագործակցել Թուրքիայի հետ՝ կանխելու Իրանի՝ թուրքական տարածքում հրեաներին վնասելու փորձերը։ Բենեթը նաև շնորհակալություն է հայտնել Թուրքիայի նախագահ Ռեջեփ Թայիփ Էրդողանին այդ ուղղությամբ երկրի գործադրած ջանքերի համար։
Օրերս էլ Իսրայելի ԱԳՆ-ն էր կոչ էր Թուրքիա չմեկնել, իսկ այնտեղ գտնվող իսրայելցիներին՝ անհապաղ վերադառնալ տուն։ Չ դեպ, չնայած այս կոչին՝ Իսրայելի ԱԳ նախարար Յաիր Լապիդը պատրաստվում է հունիսի 23-ին այցելել Թուրքիա։
Հավելենք, որ Իրանի Հեղափոխության պահապանների կորպուսը փորձում է թիրախավորել իսրայելցիներին արտասահմանում, որպեսզի վրեժխնդիր լինի «Քուդս» ջոկատի գնդապետ Սայյադ Խուդայիի սպանության համար, որին Իսրայելը մեղադրում է արտերկրում իսրայելցիների դեմ սպանություններ պատասխանատու ստորաբաժանումը ղեկավարելու մեջ:
Էմմա Չոբանյան
