09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ադրբեջանում պատին արված «Պատժել Աստծուն վիրավորողներին» գրառման համար հավատացյալների են ձերբակալել
Քաղաքականություն
20.06.2022 | 23:30
Ադրբեջանում երեք հավատացյալի են ձերբակալել պատին արված գրության համար։ Ադրբեջանական լրատվականների փոխանցմամբ՝ հավատացյալներ Յասին Ահմեդովը, Վուգար Ալիևը և Նիջաթ Ալիևը ձերբակալվել են այն բանից հետո, երբ հունիսի 18-ին Սումգայիթ քաղաքի հասարակական վայրում պատին գրել են «Պատժել Աստծուն վիրավորողներին»։
Պարզվում է, որ Սումգայիթի քաղաքային դատարանն Ահմեդովին կալանավորել է 10 օրով,ս ակայն հայտնի չէ, թե ինչ հանցանքի համար։ Վուգար Ալիևը և Նիջաթ Ալիևը պահվում են Սումգայիթի ոստիկանության բաժանմունքներում։ Սպասվում է, որ այսօր նրանք ևս կներկայանան դատարանի առաջ։
Վուգար Ալիևն ավելի վաղ միացել էր հացադուլին, որը հայտարարել էր կալանքի տակ գտնվող «Մուսուլմանական միասնություն» շարժման առաջնորդ Թալեհ Բագիրզադեն՝ բողոքելով հավատացյալների հարցաքննության ժամանակ անվտանգության ուժերի կողմից Ալլահին վիրավորելու դեմ։ Հացադուլին աջակցել են ավելի քան տասնյակ բանտարկյալներ ու ազատության մեջ գտնվողներ։ Ադրբեջանի ՆԳՆ-ն հերքում է, որ ոստիկանները վիրավորել են Աստծուն։
Էմմա Չոբանյան
