19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Մինսկում ԵՏՄ կառավարությունների ղեկավարների հանդիպման ժամանակ կքննարկվեն ինտեգրման խորացման հարցեր
Քաղաքականություն
20.06.2022 | 15:36
Հունիսի 20-ին և 21-ին Ռուսաստանի, Հայաստանի, Բելառուսի, Ղազախստանի ու Ղրղզստանի կառավարությունների ղեկավարները կքննարկեն Եվրասիական տնտեսական միության (ԵՏՄ) շրջանակում ինտեգրման խորացման հրատապ խնդիրները։ Այս մասին ասվում է ՌԴ կառավարության կայքում տեղադրված հաղորդագրության մեջ։
Տեղեկացվում է, որ առանձնահատուկ ուշադրություն է դարձվելու ներքին շուկայի գործունեության, տրանսպորտային ենթակառուցվածքների զարգացման և մաքսային ու սակագնային կարգավորման ոլորտում փոխգործակցության հարցերին։ Հանդիպմանը քննարկվելու է թվային օրակարգում համագործակցության խորացումը, այդ թվում՝ ԵՏՄ ինտեգրված տեղեկատվական համակարգի կատարելագործման հարցերը։
Հանդիպումների արդյունքներով նախատեսվում է ստորագրել Եվրասիական միջկառավարական խորհրդի որոշումները, որոնք նախատեսում են եվրասիական տնտեսական ինտեգրացիայի հետագա զարգացումը։
Տաթև Ֆռանգյան
