26.03.2026 | 18:43
Աշխատավարձերն ուշանում են «Մխիթար Սեբաստացի» կրթահամալիրում․ Աշոտ Բլեյանը՝ պատճառների մասին. ՏԵՍԱՆՅՈՒԹ
Էրդողանը պատրաստվում է ՆԱՏՕ-ին ապացույցներ ներկայացնել PKK-ին Շվեդիայի և Ֆինլանդայի աջակցության մասին
Քաղաքականություն
20.06.2022 | 14:44
Թուրքիայի նախագահ Ռեջեփ Թայիփ Էրդողանը պատրաստվում է Մադրիդում կայանալիք ՆԱՏՕ-ի գագաթնաժողովում ապացույցներ ներկայացնել Շվեդիայի և Ֆինլանդիայի՝ Քուրդիստանի աշխատավորական կուսակցության (PKK) հետ ունեցած կապերի մասին։ Այս մասին հայտում է թուրքական Sabah-ը։
Նշվում է, որ Էրդողանը հատուկ փաստաթղթեր է ներկայացնելու։
«Մեկ անգամ ևս կցուցադրվեն Շվեդիայի և Ֆինլանդիայի կողմից ահաբեկչական PKK/YPG/PYD-ին տրված զենքերի և ֆինանսական ու քաղաքական աջակցության ապացույցները»,- ասվում է հրապարակման մեջ։
Նշվում է, որ որպես ապացույց՝ ներկայացվելու են Սիրիայում և հյուսիսային Իրաքում իրականացված գործողությունների ժամանակ առգրավված շվեդական AT4 հակատանկային նռնականետների սերիական համարները և լուսանկարները։
Լրատվամիջոցը գրում է, որ Էգեյան ծովում Հունաստանի կողմից սեփական կղզիների ռազմականացման հարցերը ևս քննարկվելու են, դրա ապացույցներ Էրդողանը նույնպես ներկայացնելու է։
Հիշեցնենք, որ Թուրքիան դեմ է ՆԱՏՕ-ին Շվեդիայի և Ֆինլանդիայի անդամակցությանը և նրանց մեղադրում է քուրդ «ահաբեկիչներին» աջակցելու մեջ։
Էմմա Չոբանյան
