16.09.2026 | 19:37
Եվրոպա լիգա․ «Արարատ-Արմենիայի» մեկնարկային կազմը «Սպարտա Պրահայի» դեմ խաղում
Ավստրիան կվերագործարկի ածխով աշխատող էլեկտրակայանը՝ ռուսական գազի մատակարարումների կրճատման ֆոնին
Քաղաքականություն
20.06.2022 | 15:02
Ռուսական գազի մատակարարումների կրճատման ֆոնին Ավստրիան որոշել է վերաբացել ածխով աշխատող էլեկտրակայանը Գրացից հարավ գտնվող Մելլահ կոմուննայում։ Վիեննայի դաշնային կանցլերի գրասենյակը հայտարարել է, որ իշխանություններն աշխատում են երկրի խոշորագույն էլեկտրաէներգետիկ ընկերության՝ Verbund-ի հետ, որպեսզի գազի սակավության դեպքում էլեկտրակայանը փոխարկեն ածխով աշխատողի, գրում է DW-ի ռուսական ծառայությունը:
«Առաջին հերթին մեր նպատակն է ապահովել երկրի պահանջարկը»,- ասել է Ավստրիայի կանցլեր Կարլ Նեհամերը՝ հիշեցնելով, որ երկրի գազի 80 տոկոսը գալիս է Ռուսաստանից։
«Խոսքը պակասող ռուսական գազն այլ աղբյուրներով կամ մատակարարներով փոխարինելու մասին է, որպեսզի կարողանանք շարունակել պաշարներ կուտակել»,- հավելել է նա։
Մելլահի էլեկտրակայանը, որը երկրում ածխով աշխատող վերջին կայանն էր, փակվել էր 2020 թվականի գարնանը՝ կառավարության կողմից էներգիայի աղտոտող աղբյուրներից աստիճանական հրաժարման շրջանակում ամբողջությամբ անցնելու վերարտադրվող էներգիայի աղբյուրներին: Անհրաժեշտության դեպքում, դրա աշխատանքի վերսկսումը Ավստրիային կվերադարձնի ածխի արտադրությունը։ Սակայն, ըստ Ավստրիայի կառավարությանը, էլեկտրակայանի վերափոխարկումը կտևի մի քանի ամիս։
Տաթև Ֆռանգյան
