08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
Ուկրաինան դուրս է եկել ԱՊՀ-ի հետ մի քանի համաձայնագրերից
Քաղաքականություն
20.06.2022 | 12:41
Ուկրաինայի խորհրդարանը հավանություն է տվել Անկախ Պետությունների Համագործակցության (ԱՊՀ) շրջանակում մի շարք համաձայնագրերից Կիևի դուրս գալուն։ Որոշումն ընդունվել է հունիսի 19-ին կայացած նիստում։ Այս մասին հայտնել է Գերագույն ռադայի մամուլի ծառայությունը։
Այսպես, պատգամավորները պաշտպանել են բջջային կապի համակարգերի մշակման և օգտագործման ոլորտում համագործակցության մասին համաձայնագրից դուրս գալու մասին №0093 օրինագիծը։
Ռադան կողմ է քվեարկել նաև ԱՊՀ տարածքում կենսաբանական արտադրանքի և կենդանիների պաշտպանության այլ միջոցների միջպետական պաշար ստեղծելու մասին համաձայնագրից դուրս գալու մասին թիվ 0103 օրենքին։
Բացի այդ, Ուկրաինան դուրս է եկել նաև ԱՊՀ-ի մարմինների պաշտոնական նամակագրության առաքման միջկառավարական սուրհանդակային կապի մասին համաձայնագրում փոփոխություններ կատարելու մասին արձանագրությունից, որը վերաբերում էր աշխատակիցների՝ ազգային օրենսդրությանը համապատասխան ծառայողական զենք պահելու և օգտագործելու իրավունքին:
Հիշեցնենք, որ Ռադան արգելել է ռուսական երաժշտությունը ԶԼՄ-ներում և հանրային տարածքներում:
Տաթև Ֆռանգյան
