28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Ֆրանսիայում մեկնարկել է խորհրդարանական ընտրությունների երկրորդ փուլը
Քաղաքականություն
19.06.2022 | 11:17
Ֆրանսիայում այսօր՝ հունիսի 19-ին, մեկնարկել է Ֆրանսիայի Ազգային ժողովի (խորհրդարանի ստորին պալատի) ընտրությունների երկրորդ փուլը։
Կընտրվի Ազգային ժողովի 577 պատգամավոր՝ հինգ տարի ժամկետով։ Երկրորդ փուլում խորհրդարանում տեղի համար թեկնածուներին անհրաժեշտ է ստանալ ձայների մեծամասնությունը:
Խորհրդարանական ընտրությունների երկրորդ փուլում հիմնական պայքարը ծավալվելու է «Միասին» նախագահական կոալիցիայի և ձախերի կոալիցիայի միջև։
Հունիսի 12-ին կայացած առաջին փուլի արդյունքներով «Միասին» կոալիցիան ստացել է 25,71%, ձախակողմյան «Նոր ժողովրդական էկոլոգիական և սոցիալական միավորում»-ը՝ 25,61%։
Ֆրանսիայում խորհրդարանական ընտրությունների առաջին փուլն անցել է ցածր մասնակցությամբ՝ Ֆրանսիայի ՆԳՆ տվյալներով՝ ընտրատեղամասեր է եկել ընտրողների 39,42%-ը։
