28.06.2026 | 16:37
Բագրատաշենի մաքսային կետում մաքսային ձևակերպումներն իրականացվել են անխափան և բնականոն ընթացքով. ՊԵԿ
Չավուշօղլուն հայտնել է, որ թուրքական պատվիրակություն է մեկնում Բրյուսել՝ քննարկելու ՆԱՏՕ-ին Շվեդիայի և Ֆինլանդիայի անդամակցության հարցը
Քաղաքականություն
17.06.2022 | 22:12
Անկարան Ստոկհոլմից կոնկրետ և արդյունավետ քայլեր է ակնկալում ահաբեկչության դրսևորումների դեմ պայքարում։ Այս մասին հայտարարել է Թուրքիայի արտգործնախարար Մևլութ Չավուշօղլուն՝ Զագրեբում մեկնաբանելով ՆԱՏՕ-ի ընդլայնման թեման, գրում են Անադոլու գործակալությունը։
Խորվաթիայի իր գործընկերոջ հետ համատեղ մամուլի ասուլիսում Չավուշօղլուն նշել է, որ Սկանդինավյան տարածաշրջանում հակաթուրքական վերջին սադրանքները հաստատում են, որ PKK-ի «ահաբեկիչները և նրանց հանցակիցներն իրականում գրավել են Շվեդիայի քաղաքական օրակարգը»։
«PKK-ի կողմնակիցների գործողությունները Շվեդիայում ապացուցում են այս երկրի օրենսդրության թուլությունը և հանցավորության դեմ պայքարի ոլորտում իշխանությունների թողտվությունը։ Ահաբեկիչները գործում են ոչ միայն Թուրքիայի, այլև հենց Շվեդիայի ազգային շահերի դեմ»,- ասել է Չավուշօղլուն՝ նշելով, որ PKK-ն ամեն ինչ անում է, որ Շվեդիան ՆԱՏՕ-ին չանդամակցի։
Չավուշօղլուն նաև հայտնել է, որ Թուրքիայի նախագահի մամուլի քարտուղար Իբրահիմ Քալընը, ԱԳ փոխնախարար Սեդաթ Օնալը կիրակի մեկնելու են Բրյուսել՝ քննարկելու ՆԱՏՕ-ին Շվեդիայի և Ֆինլանդիայի անդամակցության թեման։
Էմմա Չոբանյան
