06.11.2024 | 15:18
Թրամփի հաղթանակը ԱՄՆ-ում․ ի՞նչ է սա նշանակում Հայաստանի, տարածաշրջանի, աշխարհի համար․ ՈւՂԻՂ
Ռուսական ռազմանավը մուտք է գործել Դանիայի տարածքային ջրեր․ ՌԴ դեսպանը Դանիայի ԱԳՆ է կանչվել
Քաղաքականություն
17.06.2022 | 20:35
Դանիայի զինված ուժերը հայտարարել են, որ ռուսական ռազմանավը Բալթիկ ծովում մուտք է գործել թագավորության տարածքային ջրեր։ Այս մասին հայտնել է The Jerusalem Post-ը՝ վկայակոչելով երկրի Զինված ուժերի հայտարարությունը։
Նավը, ենթադրաբար, երկու անգամ մուտք է գործել դանիական Բորնհոլմ կղզուց հյուսիս գտնվող ջրային տարածք։
Դանիայի արտաքին գործերի նախարար Յեպպե Կոֆոդը ևս թվիթերում հայտնել է, որ ուրբաթ գիշեր ռուսական ռազմանավը երկու անգամ խախտել է թագավորության ջրային սահմանը՝ դա անվանելով «սադրանք»։
«Անցած գիշեր ռուսական ռազմանավը երկու անգամ խախտել է Դանիայի ջրային սահմանը։ Սա բացարձակապես անպատասխանատու, կոպիտ և միանգամայն անընդունելի ռուսական սադրանք է»,- ասվում է հաղորդագրության մեջ։
Նշվում է, որ անհապաղ Դանիայի ԱԳՆ-ն է կանչվել ՌԴ դեսպանը։
Տաթև Ֆռանգյան
