16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Հումանիտար և մարդու իրավունքներին վերաբերող հարցերում ԵԽ-ն պետք է առավել հաստատակամ գտնվի․ Միրզոյան․ ՏԵՍԱՆՅՈՒԹ
Քաղաքականություն
17.06.2022 | 15:45
ՀՀ ԱԳ նախարար Արարատ Միրզոյանը և Եվրոպայի խորհրդի Գլխավոր քարտուղար Մարիա Պեյչինովիչ Բուրիչը հանդես են եկել համատեղ հայտարարությամբ։
Միրզոյանի և Բուրիչի հանդիպմանն անդրադարձ է եղել նաև ԼՂ հակամարտության կարգավորման գործընթացին, 2020թ. Ադրբեջանի սանձազերծած պատերազմին ու Հայաստանի և Արցախի նկատմամբ ագրեսիային։
ԱԳ նախարարը հայտնեց, որ հանդիպման ընթացքում վերահաստատել է ՀՀ կառավարության պատրաստակամությունը` ջանքեր գործադրելու տարածաշրջանում խաղաղություն հաստատելու ուղղությամբ։
«Այս համատեքստում հիմնարար է ԼՂ հակամարտության հասցեագրումը, որը կներառի Արցախի ժողովրդի անվտանգության և բոլոր իրավունքների ապահովման և ԼՂ կարգավիճակի վերջնական որոշման առանցքային կետերը։ Արցախի ժողովուրդն ունի նույն իրավունքները, ինչ բոլորը, և հակամարտության գոտում գտնվելու հանգամանքն Արցախի հայերին չի կարող զրկել համընդհանուր հիմնարար իրավունքներից»,- ընդգծեց Միրզոյանը։
ՀՀ արտգործնախարարը նաև ընդգծեց, որ Ադրբեջանի սանձազերծած ագրեսիայի հետևանքով Արցախում մինչ օրս առկա են չլուծված հումանիտար խնդիրներ. «Ադրբեջանում պահվող հայ ռազմագերիների վերադարձի ու Արցախ մարդասիրական հասանելիության հարցերը, որոնց քաղաքականացումը անընդունելի է։ Նույնկերպ անընդունելի է նաև Ադրբեջանի հայատյաց ու ռազմատենչ հռետորաբանությունը, քաղաքացիական բնակչության ֆիզիկական ու հոգեբանական ահաբեկումը»:
«Կարծում ենք այս հումանիտար և մարդու իրավունքներին վերաբերող բոլոր հարցերում ԵԽ–ն, ԵԽ–ի համապատասխան մարմիններն ու ղեկավարները պետք է ավելի հաստատակամ լինեն ու բոլոր ջանքերը գործադրեն, որպեսզի հարգվեն ՄԻԵԴ–ի միջանկյալ որոշումները, ԵԽԽՎ բանաձևերը, Մարդու իրավունքների հանձնակատարի նոյեմբերի 8-ի հուշագրի դրույթները»,- ընդգծեց Միրզոյանը:
Մանրամասները՝ տեսանյութում:
