09.09.2026 | 22:04
Գյումրիում բացահայտվել է կեղծ օղու և կոնյակի պատրաստման դեպք․ 52-ամյա տղամարդը ձերբակալվել է. ՆԳՆ
Պետականից մինչև մասնավոր կազմակերպություններ․ պետք է մտածեն որակյալ բովանդակությունը խրախուսելու մասին․ Բորիս Նավասարդյան․ ՏԵՍԱՆՅՈՒԹ
Հասարակություն
17.06.2022 | 15:03
«Որակյալ բովանդակություն առաջարկելը բարդ խնդիր է, բայց լրատվական դաշում հաջողության հասնելու համար դա անհրաժեշտ պայման է»,- «Մեդիան` թիրախում. ինչպես վերականգնել ԶԼՄ-ների նկատմամբ վստահությունը» թեմայով ասուլիսում այս տեսակետը հայտնեց Երևանի մամուլի ակումբի նախագահ Բորիս Նավասարդյանը:
Նավասարդյանի դիտարկմամբ՝ հսկայական լսարան ունեցող հաղորդումների որակն անհրաժեշտ է բարձրացնել, քանի որ նաև նրանք են ձևավորում ճաշակ:
«Մինչև բովանդակության խնդիրը չլուծենք, խնդիր ենք ունենալու լսարանին դաստիարակելու և կրթելու առումով»,- ընդգծեց Նավասարդյանը:
Երևանի մամուլի ակումբի նախագահի դիտարկմամբ՝ պետությունը պետք է և՛ ֆինանսավորի, և՛ ձևավորի պայմաններ ու եթե պետք է՝ նաև արտոնություններ այն լրատվամիջոցների համար, որոնք պատրաստ են որակյալ տեղեկատվություն տարածել և հասցնել հասարակությանը: Նավասարդյանի խոսքով՝ լրացուցիչ հոգածություն պետք է լինի նաև հանրային կառույցների կողմից. պետությունից սկսած մինչև մասնավոր բարեգործական կազմակերպություններ պետք է մտածեն որակյալ բովանդակություն խրախուսելու մասին:
Factor TV-ի գործադիր ղեկավար Արևիկ Սահակյանը նշեց, որ կողմ է առաջարկված գաղափարին, սակայն նախ պետք է ունենալ անկախ, անաչառ, հանրության և մեդիադաշտի վստահությունը վայելող մեխանիզմ և օղակներ, որոնք արտոնությունները չեն հատկացնի յուրայիններին:
Մանրամասները՝ տեսանյութում:
