Քաղաքականություն
17.06.2022 | 12:29Ռուսաստանի Դաշնություն կատարած աշխատանքային այցի շրջանակում Հանրապետության նախագահ Վահագն Խաչատուրյանը հունիսի 16-ի երեկոյան Սանկտ Պետերբուրգում, Հայաստանի գլխավոր հյուպատոսության շենքում հանդիպում է ունեցել հայ համայնքի ներկայացուցիչների հետ։
Վահագն Խաչատուրյանը հանդիպման ժամանակ հանգամանալից անդրադարձ է կատարել Լեռնային Ղարաբաղի հակամարտության վերջնական լուծմանն ուղղված ծրագրերի իրականացման ներկա ընթացքին, հայկական կողմի մոտեցումներին։
«Այս իրավիճակում բոլորի համար, բանակցող կողմերի համար, այդ թվում՝ Ռուսաստանի համար շատ ընկալելի է, երբ մենք համար առաջին օրակարգը դնում ենք ԼՂ-ում ապրող մեր հայրենակիցների ապրելու և անվտանգության իրավունքի հարցը։ Սրանից ելնելով՝ մենք կարող ենք արդեն քննարկել կարգավիճակի հարցը։ Մեր գնահատականը միանշանակ է, որ սա ամենաճիշտ ճանապարհն է։ Եվ երբ մենք Լավրովի հետ ամսի 9-ին հանդիպում էինք, ես հիշում եմ, որ ինքը շատ առանձնահատուկ դրա մասին խոսեց, որ՝ մենք էլ ենք կիսում ձեր դիրքորոշումը, շնորհակալություն, որ դուք էլ եք դրան հանգել»,- նշեց ՀՀ նախագահը։
Մանրամասները՝ տեսանյութում:
