17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Կյանքի պուրակի նախագծման աշխատանքներն ավարտվել են ՏԵՍԱՆՅՈՒԹ
Հասարակություն
17.06.2022 | 13:12
Երևանի բուսաբանական այգում կառուցվող 44-օրյա պատերազմի զոհերին նվիրված այգու` «Կյանքի պուրակի» նախագծման աշխատանքներն ավարտվել են։ Այս մասին այսօր կառավարության նիստում հայտնեց ՀՀ վարչապետի աշխատակազմի ղեկավար Արայիկ Հարությունյանը։
Նախատեսվում է կառուցել ամբողջությամբ նոր ոռոգման համակարգ` մի քանի կմ երկարությամբ խողովակաշարով։ Նախագծի ընդհանուր արժեքը կկազմի շուրջ 4.2 մլրդ դրամ, որից շուրջ 200 միլիոնը` նոր ոռոգման համակարգն է։
Նիկոլ Փաշինյանը նշեց, որ այգին պետք է ընդգծի կյանքի տրամաբանությունը, ոչ թե մահվան։
«Մեր տրամաբանությունն այն է, որ դա պիտի լինի մի տեղ, որտեղ մարդիկ գնան ընտանիքներով, ժամանակ անցկացնեն, երեխաները խաղաղ, վազվզեն, և դա պետք է ընդգծի կյանքի տրամաբանությունը, ոչ թե մահվան»,- նշեց վարչապետը։
Նշենք, որ պուրակը կզբաղեցնի 30 հեկտար տարածք, որի վրա նախատեսվում է տնկել շուրջ 14 000 ծառ: Պուրակում նախատեսվում է տեղադրել կյանքի շարունակությունը խորհրդանշող հուշարձան:
«Կյանքի հաղթանակը պետք է լինի մեր նահատակների հիշատակի նկատմամբ ամենամեծ հարգանքը. մեր նահատակներն ընկել են, որ Հայաստանն ապրի և Արցախն ապրի»,- ընդգծեց Փաշինյանը:
Մանրամասները՝ տեսանյութում:
