24.11.2024 | 10:01
Փակ է «Ամբերդ» կայանից դեպի Քարի լիճ տանող ավտոճանապարհը
Մենք ստեղծելու ենք տիեզերական գործակալություն․ Վահագն Խաչատուրյան․ ՏԵՍԱՆՅՈՒԹ
Քաղաքականություն
17.06.2022 | 12:01
Ռուսաստանի Դաշնություն կատարած աշխատանքային այցի շրջանակում Հանրապետության նախագահ Վահագն Խաչատուրյանը հունիսի 16-ի երեկոյան Սանկտ Պետերբուրգում, Հայաստանի գլխավոր հյուպատոսության շենքում հանդիպում է ունեցել հայ համայնքի ներկայացուցիչների հետ։
Նախագահը հայ համայնքի ներկայացուցիչներին կոչ է արել գիտելիքներով և ֆինանսական միջոցներով օգնել ՀՀ-ին ռազմարդյունաբերական ծրագրեր իրականացնելու հարցում:
«Մենք արդեն արբանյակ ունենք, մեր նկարահանող արբանյակը շատ մեծ զարմանք է առաջացրել ոչ միայն երկրի ներսում, այլ դրսում: Մենք գործընկերներ ենք գտել Իսպանիայից: Մեր առջև մեծ հեռանկարներ են բացվում: Մենք ստեղծելու ենք տիեզերական գործակալություն՝ կառավարման կենտրոն, բայց մասնագետների կարիք ունենք: Մենք դիմել ենք նաև ԱՄՆ-ում և Եվրոպայում բնակվող մեր հայրենակիցներին՝ գտնել մասնագետներ: Մեր արբանյակի պոտենցիալը շատ մեծ է, լավ ծրագրերով կառավարելու դեպքում կարող ենք ավելացնել նրա հնարավորությունները»,- ասաց նախագահը:
Հանդիպման ընթացքում նախագահն իր խոսքում անդրադարձել է նաև հայ-ռուսական հարաբերություններին, Հայաստանի ներքաղաքական իրավիճակին, տարածաշրջանային անվտանգությանը:
Մանրամասները՝ տեսանյութում:
