17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Թուրքիայում 16 քուրդ լրագրող է կալանավորվել «ահաբեկչության մեղադրանքով»
Քաղաքականություն
16.06.2022 | 23:07
Թուրքական դատարանը հունիսի 16-ին որոշում է կայացրել կալանավորել 16 քուրդ լրագրողների, որոնք այն 22 անձանցից էին, որ ձերբակալվել են «ահաբեկչության մեղադրանքով» անցած շաբաթ հարավարևելյան քրդաբնակ Դիարբեքիր նահանգում զանգվածային գործողության ընթացքում, գրում է Duvar-ը։
Լրագրողները կալանքի տակ էին հունիսի 8-ից: Լրատվամիջոցների և իրավունքի ուսումնասիրությունների ասոցիացիան (MLSA) հայտնել է, որ 22 ձերբակալվածներից 16-ը կալանավորվել են դատարանի որոշմամբ, իսկ չորս լրագրող և երկու լրատվամիջոցի աշխատակից ազատ է արձակվել դատական հսկողության ներքո:
Հունիսի 8-ին թուրքական ոստիկանությունը ներխուժել էր մի քանի քուրդ լրագրողների տներ, որոնք աշխատում են քրդամետ Mezopotamya News Agency-ի, Pel ընկերության, Dicle Fırat լրագրողների ասոցիացիայի համար։ Խուզարկությունների ընթացքում ոստիկանության աշխատակիցները լրագրողների տներից և լրատվամիջոցների գրասենյակներից առգրավել են համակարգիչներ, կոշտ սկավառակներ և աշխատանքային այլ սարքավորումներ։
Թուրքիայի իշխանությունները դեռ չեն բացահայտել լրագրողներին առաջադրված մեղադրանքները, քանի որ հետաքննության գործում գաղտնիության կարգ կա։
Էմմա Չոբանյան
