Վրաստանի Ազգային բանկը հայտարարել է ՌԴ-ից դրամական փոխանցումների ռեկորդային ծավալի մասին

Վրաստան, նախորդ տարվա համեմատ, 168%-ով ավելի շատ միջոցներ են փոխանցվել, միաժամանակ, տրանսֆերների ծավալով առաջին հորիզոնականում է Ռուսաստանի Դաշնությունը, գրում է VOA-ն։

Վրաստանի ազգային բանկը հրապարակել է 2022 թվականի մայիսին երկրի դրամական փոխանցումների փոխանցման վիճակագրությունը։ Հաշվետվությունը, նախորդ տարվա համեմատ, ռեկորդային աճ է գրանցել։ Երկրի Ազգային բանկի տվյալների համաձայն՝ անցած ամիսը կրկին ռեկորդ է սահմանել՝ մայիսին Վրաստան է փոխանցվել 505,7 միլիոն դոլար, ինչը 169,4%-ով ավելի է, քան 2021 թվական մայիսին։

Ավելի վաղ Վրաստանը նման չափերի հասնող դրամական փոխանցումներ չի ստացել։ Նախորդ տարվա ապրիլին այս ցուցանիշը կազմել է 308,1 միլիոն դոլար, որը նույնպես ռեկորդային է եղել։

Արտերկրից կատարված փոխանցումների ընդհանուր ծավալի 98,1%-ը կատարվել է Վրաստանի 23 խոշոր գործընկեր երկրներից։ Այս ցուցակում առանձնահատուկ տեղ են զբաղեցնում Ռուսաստանից կատարվող փոխանցումները, որոնց ծավալը կազմել է 313,9 մլն դոլար։ Այս ցուցանիշը, նախորդ տարվա համեմատ, աճել է 888%-ով։

Երկրորդ տեղում այն երկրների շարքում, որտեղից փոխանցումներ են կատարվել, Իտալիան է։ Այս երկրից տրանսֆերտների ծավալը մեկ տարվա ընթացքում աճել է 15,3%-ով և կազմել 36,8 մլն դոլար։

Երրորդ տեղում ԱՄՆ-ն է։ Տրանսֆերների ծավալն աճել է 15%-ով և կազմել 27,7 մլն դոլար։ Ռուսաստանից հետո մեկ այլ ռեկորդակիր երկիր է Ղազախստանը։ Այս երկրից փոխանցումների ծավալն աճել է 586%-ով՝ հասնելով 20,8 մլն դոլարի։

Տաթև Ֆռանգյան