28.06.2026 | 22:27
Արման Թաթոյանի հրապարակած 2 ձայնագրությունների մասով վարույթ կա, մեղադրյալ չկա․ ՏԵՍԱՆՅՈւԹ
ԱՄՆ-ն Ուկրաինային կտրամադրի ևս 18 հաուբից, դրանց համար 36․000 արկ, HIMARS-ի համար հրթիռներ․Պենտագոն
Քաղաքականություն
16.06.2022 | 13:21
Ուկրաինային հատկացվելիք ԱՄՆ ռազմական օգնության փաթեթը, որի մասին հայտարարվել է նախօրեին, նախատեսում է Վաշինգտոնի կողմից ևս 18 միավոր 155 մմ տրամաչափի հաուբիցների և դրանց համար 36,000 արկերի փոխանցում։ Այս մասին հայտնել է Պենտագոնը, գրում է swissinfo-ն։
Բացի այդ, օգնության փաթեթը նախատեսում է Կիև տեղափոխել 18 տրակտոր նման հաուբիցների համար, HIMARS ՀԿՌՀ-ի համար լրացուցիչ հրթիռնր, երկու Harpoon հականավային համակարգեր, տարբեր պահեստամասեր։
Պենտագոնի ղեկավար Լլոյդ Օսթինը նշել է, որ, իր կարծիքով, ապագայում Ուկրաինան ստիպված կլինի անցնել բացառապես 155 մմ տրամաչափի հաուբիցների, քանի որ ԱՄՆ-ն և նրա գործընկերները չեն կարող նրան արկեր մատակարարել ներկայում օգտագործվող խորհրդային արտադրության զենքերի համար։
Նախօրեին էլ Սպիտակ տունը հայտնել էր, որ ԱՄՆ նախագահ Ջո Բայդենը հեռախոսով տեղեկացրել է Ուկրաինայի նախագահ Վլադիմիր Զելենսկիին Կիևին ամերիկյան 1 մլրդ դոլարի ռազմական օգնություն տրամադրելու որոշման մասին։
Էմմա Չոբանյան
