09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Գերմանիայի, Ֆրանսիայի և Իտալիայի ղեկավարները ժամանել են Ուկրաինա
Քաղաքականություն
16.06.2022 | 10:53
Իտալիայի վարչապետ Մարիո Դրագին, Ֆրանսիայի նախագահ Էմանուել Մակրոնը և Գերմանիայի դաշնային կանցլեր Օլաֆ Շոլցը ժամանել են Ուկրաինա, գրում է BBC-ի ռուսական ծառայությունը։
RaiNews24 հեռուստաալիքը հրապարակել է գնացքի խցիկում սեղանի շուրջ նստած երեք առաջնորդների լուսանկարը:
Քաղաքական գործիչները Կիև են ժամանել, ենթադրաբար,Վարշավայից։ Անվտանգության նկատառումներից ելնելով այս ուղևորության մասին պաշտոնական տեղեկատվություն չի հրապարակվել։
Մակրոնը վերջերս այցելել էր Ուկրաինայի երկու հարևան երկրներ՝ Ռումինիա և Մոլդովա։
Չորեքշաբթի օրը ելույթ ունենալով Ռումինիայում՝ այնտեղ տեղակայված ֆրանսիական զորքերի հետ հանդիպումից հետո, Մակրոնն ասել էր, որ Եվրամիությունը պետք է հստակ քաղաքական ազդակներ ուղարկի Ուկրաինային և ուկրաինացի ժողովրդին, ովքեր արդեն մի քանի ամիս է՝ հերոսաբար դիմադրում են։
Եվրոպացի երեք առաջնորդները կհանդիպեն Ուկրաինայի նախագահ Վլադիմիր Զելենսկիի հետ։ Սա եվրոպացի առաջնորդների առաջին այցն է Ուկրաինա Ռուսաստանի փետրվարյան ներխուժումից հետո: Ուկրաինայում արդեն եղել են ԱՄՆ պետքարտուղար Էնթոնի Բլինկենը և Մեծ Բրիտանիայի վարչապետ Բորիս Ջոնսոնը։
Այցն ընթանում է Կիևի՝ ԵՄ անդամության ձգտումների ֆոնին։ Եվրահանձնաժողովը հայտնել է, որ մոտ ապագայում խորհրդատվություն կտրամադրի Ուկրաինայի անդամակցության հեռանկարների վերաբերյալ։
🔴 Ukraine : cette photo de 3 leaders européens entrera dans l'Histoire.
L'Italien Draghi, le Français Macron et l'Allemand Scholz dans le train qui, cette nuit, les a menés de Pologne à Kiev où ils sont attendus tôt ce matin. @LaRepubblica_it https://t.co/bdAda9rvRA pic.twitter.com/RkPqVfJMNB
— François Beaudonnet (@beaudonnet) June 16, 2022
Տաթև Ֆռանգյան
