Նահա՞նջ Փաշինյանի հրաժարականի պահանջից, թե՞ ռեստարտ. ընդդիմությունը բացեց Ֆրանսիայի հրապարակը. ՏԵՍԱՆՅՈւԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Նիկոլ Փաշինյանի հրաժարականի պահանջով մեկուկես ամիս Ֆրանիայի հրապարակը փակ պահելուց հետո երեկ երեկոյան «Դիմադրության» շարժման առաջնորդներից Իշխան Սաղաթելյանը հայտարարեց երթևեկելի հանգույցը բացելու մասին։

Չնայած ընդդիմությունն այս ընթացքում չկարաղացավ հասնել իր գլխավոր նպատակի իրագործմանը՝ պաշտոնանկ անել Նիկոլ Փաշինյանին և վարչապետ ընտրել մինչև այս պահը չգաղտնազերծած թեկնածուին, այնուհանդերձ, Իշխան Սաղաթելյանը հայտարարեց. «Վստահորեն պնդում ենք, որ վրանային այս ավանը լիարժեք կատարել է իր գործը»։

Ընդդիմադիրները վրաններն ապամոնտաժել են երեկ գիշերը: Առավոտյան արդեն Ֆրանսիայի հրապարակը բաց էր երթևեկության համար:

Ապրիլի 17-ից սկսած՝ ընդդիմությունը փակեց Երևանի գլխավոր պողոտաներն ու փողոցները, շրջափակեց ու մուտք գործեց պետական գերատեսչությունների շենքեր, քաղաքացիներին գործադուլների և դասադուլների կոչեր արեց, սակայն այդպես էլ չկարողացավ Փաշինյանին հեռացնել վարչապետի պաշտոնից։

Ինչո՞ւ ընդդիմությունը ձախողվեց իշխանափոխության հարցում: «Հայաստան» դաշինքի ղեկավար Ռոբերտ Քոչարյանը երեկ հանրահավքից հետո հրաժարվեց պատասխանել Factor TV-ի այս հարցին:

«Երևանի մամուլի ակումբի» նախագահ Բորիս Նավասարդյանն ընդդիմության գործողությունների նոր պլանը նահանջ է համարում․ «Համոզվել են, որ դատարկ վրանները Ֆրանսիայի հրապարակում վարկաբեկում են շարժումը, բայց դրանց հանումը չի նշանակում, որ դադարեցնում են պայքարը»։

Քաղտեխնոլոգ Արմեն Բադալյանը վրանների ապամոնտաժումն ընդդիմության պարտություն չի համարում:

Այս երկու ամիսների ընթացքում ընդդիմության առաջնորդները հանդես եկան վճռական հայտարարություններով, որոնցից կարելի էր ենթադրել, թե իշխանափոխությանը հաշված օրեր են մնացել:

Մինչ ընդդիմադիր պատգամավորը պայքարի նոր փուլի մասին է հայտնում, իշխանությունից հիշեցնում են «Պատիվ ունեմ» խմբակցության ղեկավար Արթուր Վանեցյանի՝ հանրահավաքների ընթացքում պարբերաբար արվող հայտարարությունները, թե Փաշինյանի հրաժարականին մի քանի օր է մնացել: Իշխան Սաղաթելյանն էլ դեռ մայիսի 2-ից՝ ամենօրյա բողոքի ակցիաների մեկնարկի երկրորդ օրն էր հայտարարել, որ Նիկոլ Փաշինյանն իշխանություն չունի Հայաստանում:

Ուշագրավ է, որ Վանեցյանի կամ Սաղաթելյանի հետ ընդդիմադիր հարթակից այս երկու ամիսներին այդպես էլ ելույթ չունեցած Ռոբերտ Քոչարյանն այս տարվա փետրվարին հայտարարել էր, որ փողոցային պայքարով հաղթելու շանսեր չի տեսնում: 2021 թվականի դեկտեմբերի վերջին էլ Քոչարյանն արձանագրել էր ընդդիմության վարկանիշի անկումը:

Ինչո՞ւ ընդդիմության վարկանիշն այդպես էլ չվերականգնվեց․ Բորիս Նավասարդյանի կարծիքով՝ խնդիրը վստահության պակասն է հարթակում կանգնած գործիչների հանդեպ։ Նավասարդյանը, այնուհանդերձ, չի բացառում, որ ընդդիմության կողմից որդեգրվելիք նոր մարտավարության շրջանակում լինեն նաև նոր գործողություններ, այդ թվում՝ վարչապետի իրենց թեկնածուի անվան հրապարակումը։

Իշխանության ներկայացուցիչներն այսօր խորհրդարանում մեծ ոգևորությամբ էին մեկնաբանում ընդդիմադիրների կողմից վրաններն ապամոնտաժելու որոշումն ու դա որակում պայքարի ձախողում:

Ընդդիմադիրները, սակայն, ինչպես շարժման սկզբում, այնպես էլ հիմա հայտարարում են, որ Ազգային ժողով կվերադառնան իրենց օրակարգով: Նրանք չեն բացառում, որ օգստոսին, երբ լրանա վարչապետի պաշտոնավարման մեկ տարին, խորհրդարանում անվստահություն հայտնելու գործընթաց կսկսեն: Իսկ մինչ այդ հանրահավաքները կշարունակեն՝ շաբաթական մեկ անգամ պարբերականությամբ: Կլինեն նաև այլ ակցիաներ։ Այսօր ընդդիմադիրները երթ են իրականացրել դեպի Գլխավոր դատախազություն, ապա նստացույց շենքի դիմաց, իսկ երեկոյան Ազատության հրապարակում իրականացրել են համահայաստանյան ուսանողական նստացույցի վերհուշ:

Մանրամասները՝ տեսանյութում։

Նարեկ Կիրակոսյան