09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Պարտության զանգը նոյեմբերի 5-ին չի հնչել, այլ 2016-ի ապրիլին. Փաշինյան․ ՏԵՍԱՆՅՈՒԹ
Քաղաքականություն
15.06.2022 | 15:27
«Ռոբերտ Քոչարյան-Սերժ Սարգսյան զույգը պետք է շատ հստակ պատասխան տա՝ այդ ինչպե՞ս եղավ, որ Ադրբեջանն անիրատեսական ու անընդունելի պահանջներ ներկայացնելու հնարավորություն ստացավ բանակցային գործընթացում՝ ի հեճուկս այն բանի, որ ՀՀ նախկին իշխանությունները երկար տարիներ համոզում էին, թե բանակցությունները նորմալ են ընթանում, ու մենք շարժվում ենք դեպի մեր նպատակների իրագործում», – ԱԺ-ում հայտարարեց ՀՀ վարչապետ Նիկոլ Փաշինյանը:
Վարչապետի խոսքով՝ 2016 թվականի ապրիլյան պատերազմից հետո մարդիկ վերջնականապես հասկացան, որ իրենց 25-ամյա զոհողությունները հայոց բանակի ու պետականության հզորացմանը չեն ծառայել, այլ մի շարք հայտնի մարդկանց հարստացմանն ու ոսկեզօծ կյանքին:
Փաշինյանը վստահեցրեց, թե ինքն ու իր թիմը Ղարաբաղի հարցի հայկական բովանդակությունը փրկելու հուսահատ կռիվ են տվել ու իրենց վրա են վերցրել պարտության պատասխանատվությունը:
«Չնայած մեզ վրա ենք վերցրել պարտության պատասխանատվությունը, արդարամիտ հայ ժողովուրդը հասկացել է, որ այդ պարտությունը մեկ կամ երկու տարում չի ծնվել, այլ 25 երկարուձիգ տարիների ընթացքում: Մարդիկ հասկացել են, որ պարտության զանգը 2020 թվականի նոյեմբերի 9-ին չի հնչել, այլ 2016 թվականի ապրիլին, երբ հայկական կողմն անառիկ համարվող բարձունք կորցրեց ու անառիկ համարվող տարածքներ», – նշեց վարչապետը:
Մանրամասները՝ տեսանյութում:
