16.04.2026 | 23:27
Ինչ իրավիճակ է Հայաստանի ճանապարհներին և Լարսում
ԵՏՄ երկրների համար արտոնություն կլինի․ Սանոսյանը՝ Լարսի անցակետի մասին․ ՏԵՍԱՆՅՈՒԹ
Տնտեսություն
15.06.2022 | 12:50
ԱԺ նիստում ՏԿԵ նախարար Գնել Սանոսյանն անդրադարձավ Վերին Լարսի անցակետում առաջացած մեծ հերթերի վերաբերյալ ՔՊ-ական պատգամավոր Խաչատուր Սուքիասյանի հարցին։
Սանոսյանն ընդգծեց, որ հարցը բավական սրված է՝ հաշվի առնելով սեզոնային գործոնը։
«Պետք է ազնիվ լինենք և խոստովանենք, որ բոլոր կողմի գործընկերները բավական ջանքեր են գործադրում այս իրավիճակից դուրս գալու համար։ Օրինակ՝ եթե թողունակությունը 400 է, բայց օրը 700 մեքենա են սպասարկում, կարծում եմ՝ շատ բանի մասին է խոսում։ Շաբաթ օրը էկոնոմիկայի նախարարը, իմ տեղակալը, ՊԵԿ մեր գործընկերները եղել են Լարսում՝ ռուսական, վրացական մեր գործընկերների հետ, բազմաթիվ քննարկումներ են ունեցել վիճակը բարելավելու ուղղությամբ։ Եվ հետևյալ պամանավորվածությունն ունենք՝ մոտ ժամանակներս ՌԴ կառավարության համապատասխան որոշմամբ լրացուցիչ կետ կտեղադրվի այսօր գործող մաքսակետից քիչ հեռավորության վրա, որն օրվա ընթացքում 170-200 մեքենա կարող է սպասարկել, նաև որոշակի արտոնություն ԵԱՏՄ երկրների համար կլինի»,- նշեց Սանոսյանը։
Սանոսյանի խոսքով՝ կուտակված մեքենաների քանակը բավական մեղմվել է։ «Մենք ժամանակին խնդիր ունեինք նաև Ռուսաստանից դեպի Վրաստան անցնելու ուղղությամբ, որտեղ գրեթե արդեն խնդիր չկա։ Իսկ այս կողմից մեքենաների քանակը 400-500-ի սահմաններում է, այսինքն՝ այդքան մեծ չէ։ Կարծում եմ՝ երբ նշվում է հազարավոր մեքենաներ են հերթի մեջ, ամբողջ Վրաստանում բոլոր մեքենաների մասին է խոսքը»,- նշեց նախարարը։
Մանրամասները՝ տեսանյութում:
