28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
Եվրահանձնաժողովը հունիսի 17-ին կհայտարարի Ուկրաինայի, Մոլդովայի և Վրաստանի՝ ԵՄ-ին անդամակցության դիմումների վերաբերյալ որոշումը
Քաղաքականություն
14.06.2022 | 18:23
Եվրահանձնաժողովը հունիսի 17-ին պետք է իր կարծիքը ներկայացնի Ուկրաինայի, Մոլդովայի և Վրաստանի՝ ԵՄ-ի թեկնածու երկրների կարգավիճակ ստանալու դիմումների վերաբերյալ։ Այս մասին հայտարարել է Եվրահանձնաժողովի մամուլի խոսնակ Էրիկ Մամերը, գրում է swissinfo-ն։
«Ես մամուլում տեսա, որ, իբր, հանձնաժողովը երեկ արդեն որոշում է կայացրել: Սա ապատեղեկատվություն է: Երեկ հանձնաժողովը ոչինչ չի որոշել, վերլուծական բանավեճ է անցկացրել՝ խորհրդի անդամներին թույլ տալով արտահայտել իրավիճակի վերաբերյալ իրենց պատկերացումը: Եվ դա այն նպատակով, որ պատրաստվի որոշումը, որը կհայտարարվի ուրբաթ՝ հունիսի 17-ին»,- ասել է խոսնակը։
Նա նշել է, որ կոլեգիան պատրաստվել է բանավեճերին, հանձնաժողովն ավարտում է որոշման մասին փաստաթղթերը։ Հինգշաբթի տեղի է ունենալու կաբինետների տնօրենների նիստ՝ հաստատելու, թե արդյո՞ք ամեն ինչ պատրաստ է խորհրդի ուրբաթ օրվա օրակարգի հետ կապված։ Ուրբաթ կոլեգիայում բանավեճ կլինի և եզրակացությունը կհրապարակվի։
Հանձնաժողովի եզրակացությունից հետո ԵՄ անդամ երկրները պետք է քննարկեն հարցը, թե որքանո՞վ են համոզիչ Եվրահանձնաժողովի փաստարկները որոշման վերաբերյալ։
Էմմա Չոբանյան
