19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Արմեն Փամբուխչյանն ընդունել է Սերգեյ Կոպիրկինին
Քաղաքականություն
14.06.2022 | 15:16
Այսօր՝ հունիսի 14-ին, ընդունել եմ Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին և ՀՀ-ում ՌԴ դեսպանատան խորհրդական Ալեքսանդր Նովիկովին․ տեղեկացնում է ՀՀ ԱԻ նախարար Արմեն Փամբուխչյանը։
«Ողջունելով հյուրերին, նախ շնորհավորել եմ ռուս ժողովրդին ազգային տոնի՝ Ռուսաստանի օրվա կապակցությամբ և շնորհակալություն հայտնել տոնական միջոցառման հրավերի համար:
Դեսպան Կոպիրկինն իր հերթին շնորհավորել է նախարար նշանակվելուս կապակցությամբ և մաղթել հաջողություն:
Հանդիպման ընթացքում կարևորել ենք հայ-ռուսական համագործակցությունն արտակարգ իրավիճակների, քաղաքացիական պաշտպանության և բնական աղետների հետևանքների վերացման ոլորտներում։ Անդրադարձ ենք կատարել նաև ռուս-հայկական մարդասիրական արձագանքման կենտրոնի գործունեությանը, ընդգծել դրա կարևորությունն ու զարգացման ներուժի հնարավորությունները:
Դեսպան Կոպիրկինին իմ երախտագիտությունն եմ հայտնել Ռուսաստանի Դաշնության կողմից ՀՀ-ին որպես մարդասիրական օգնություն տրամադրված «Ուազ» մակնիշի 3 միավոր մեքենայի և «Ուրալ» մակնիշի 6 հրշեջ-փրկարարական ավտոմեքենայի համար:
Հանդիպման ավարտին ԱԻՆ պատրաստակամությունն եմ հայտնել համագործակցել ռուսական կողմի հետ տարբեր ծրագրերի շրջանակներում՝ ինչպես գործնական, այնպես էլ կրթական ոլորտներում»,- ասված է հաղորդագրությունում։
