28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Այլևս բուժական ուղղիչ հիմնարկը չենք ունենա. արդարադատության փոխնախարար․ ՏԵՍԱՆՅՈՒԹ
Հասարակություն
14.06.2022 | 14:23
Ազգային ժողովում քննարկվում է Քրեակատարողական նոր օրենսգիրքը և կից ներկայացված օրենքների նախագծերի փաթեթը երկրորդ ընթերցմամբ և ամբողջությամբ ընդունելու մասին հարցը:
Փաթեթը ներկայացրեց արդարադատության փոխնախարար Արփինե Սարգսյանը: Փոփոխություններով սահմանվում է, որ քրեակատարողական հիմնարկներում չեն լինի բաց, կիսաբաց, կիսափակ, փակ և բուժական ուղղիչ հիմնարկներ, կլինեն երեք հիմնական գոտիներ՝ ցածր անվտանգության գոտի, միջին անվտանգության գոտի և բարձր ռիսկայնության անվտանգության գոտի:
Փոխնախարարի հավաստմամբ` առաջինից երկրորդ ընթերցմամբ քննարկման ժամանակ որոշակի փոփոխություններ են արվել:
«Գոտիների մասով արվել են անցումային ժամանակահատվածի համար համապատասխան փոփոխություններ, որոնք թույլ կտան շատ ավելի հստակ ձևով կատարել կիսաբաց, կիսափակ, փակ, բաց ուղղիչ հիմնարկներից տեղափոխումը ցածր, միջին և բարձր անվտանգային գոտիներ: Բժշկական օգնության և սպասարկմանը վերաբերող հարցերը ևս ավելի հստակեցվել են: Այլևս բուժական ուղղիչ հիմնարկ չենք ունենա, կարգավորումն այնպիսին է, որ այսուհետ քրեակատարողական հիմնարկներում պետք է ըստ անվտանգային գոտիների բժշկական ստորաբաժանումներ լինեն»,- ասաց փոխնախարարը:
Փոխնախարարի խոսքով, քանի որ փոփոխությունը վերաբերում է ենթակառուցվածքներին, ապա այդ դրույթն ուժի մեջ կմտնի օրենսգիրքն ուժի մեջ մտնելուց հետո՝ ոչ ուշ, քան մինչև 2024 թվականի հուլիսի 1-ը:
Մանրամասները՝ տեսանյութում:
