22.01.2026 | 12:25
Ամուսին ուսուցիչները փորձել են մեկը մյուսի փոխարեն ատեստավորման թեստը լրացնել, բացահայտվել է. նախարար․ ՏԵՍԱՆՅՈՒԹ
Իրական հեղափոխությունը ոչ թե ավարտվում, այլ սկսվում է իշխանության գալով. Արմեն Ռուստամյան. ՏԵՍԱՆՅՈՒԹ
Քաղաքականություն
08.05.2018 | 13:31
ԱԺ ՀՅԴ խմբակցության ղեկավար Արմեն Ռուստամյանն Ազգային ժողովի հատուկ նիստում հայտարարեց՝ իրենք ոչ միայն սատարելու են Նիկոլ Փաշինյանի թեկնածությունը, այլև առաջադրել են նրան վարչապետի պաշտոնում: «Սա մեզ համար, ըստ էության, նոր ընտրություն չէ, այլ վերաքվեարկություն: Այդ իսկ պատճառով մեր դիրքորոշման մեջ բովանդակային առումով որևէ փոփոխություն չի կարող լինել: Ավելին` մենք այսօր ոչ միայն սատարում ենք Նիկոլ Փաշինյանի թեկնածությանը, այլև առաջադրել ենք նրան վարչապետի պաշտոնում: Նիկոլ Փաշինյանի ընտրությունը, իհարկե, կարող էր տեղի ունենալ մեկ շաբաթ առաջ, բայց տեղի է ունենում մեկ շաբաթ ուշ, սակայն, ինչպես ասում է մեր ժողովուրդը` ուշ լինի, նուշ լինի: Հիմա այս ընտրությունը դարձել է հասունացած ու անհրաժեշտ: Չեմ ուզում կրկնել մեր նախկին հիմնավորումները: Ուզում եմ հիշեցնել շարժման ղեկավարներին մի հայտնի ճշմարտություն, որ իրական և բոլորին ծառայող հեղափոխությունը ոչ թե ավարտվում, այլ սկսվում է իշխանության գալով, նաև ավելացնել, որ հաղթանակ պահելը պակաս կարևոր չէ, քան հաղթանակին հասնելը»,- իր խոսքում նշեց ՀՅԴ-ական պատգամավորը:
Մանրամասները՝ տեսանյութում:
