09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վարշավան պատրաստ է Ռուսաստանի հարձակման դեպքում լայնամասշտաբ դիմադրության. Լեհաստանի վարչապետ
Քաղաքականություն
13.06.2022 | 22:22
Լեհաստանը պատրաստ է լայնամասշտաբ դիմադրություն ցույց տալ ռուսական հարձակման դեպքում։ Այս մասին հայտարարել է Լեհաստանի վարչապետ Մատեուշ Մորավեցկին, գրում է DW-ի ռուսական ծառայությունը։
«Եթե Ռուսաստանը երբևէ մտածի հարձակվել Լեհաստանի վրա, Ռուսաստանը, Կրեմլը պետք է իմանան, որ 40 միլիոն լեհեր պատրաստ են զենքով ոտքի կանգնել իրենց հայրենիքը պաշտպանելու համար»,- ասել է Մորավեցկին։
Նա հիշեցրել է, որ Լեհաստանը մի քանի դար «եղել է Ռուսաստանի կրնկի տակ»։
«Մենք չենք ուզում վերադառնալ ստրկության, մենք մերժում ենք գաղութատիրությունը և իմպերիալիզմը»,- ասել է Լեհաստանի վարչապետը։
Մորավեցկին հավելել է, որ Լեհաստանը մտադիր է մեծացնել իր բանակը և այն զինել նորագույն սպառազինության համակարգերով։
Էմմա Չոբանյան
