18.05.2026 | 22:19
Վրաստանն ու Ադրբեջանը էներգետիկայի և տրանսպորտի ոլորտներում համաձայնագրեր են ստորագրել
Ստոկհոլմը երկխոսում է Անկարայի հետ՝ տարաձայնությունները հարթելու համար. Շվեդիայի վարչապետ
Քաղաքականություն
13.06.2022 | 22:45
Շվեդիայի իշխանությունները ՆԱՏՕ-ին Ստոկհոլմի հնարավոր անդամակցության հարցը քննարկելիս հաշվի են առնում Թուրքիայի անվտանգության մտահոգությունները և շարունակում են աշխատել Անկարայի հետ։ Այս մասին հայտարարել է Շվեդիայի վարչապետ Մագդալենա Անդերսոնը, գրում է swissinfo-ը։
«Մենք Թուրքիայի անհանգստությունները շատ լուրջ ենք ընկալում բոլոր հարցերում, և ոչ միայն անվտանգության և ահաբեկչության դեմ: Մենք երկկողմ ու եռակողմ երկխոսություն ենք վարում Թուրքիայի հետ»,- ասել է Անդերսոնը ՆԱՏՕ-ի գլխավոր քարտուղար Յենս Ստոլտենբերգի հետ մամուլի ասուլիսում։
ՆԱՏՕ-ի գլխավոր քարտուղարն իր հերթին ողջունել է Շվեդիայի այս դիրքորոշումը։
«Ես ողջունում եմ Շվեդիայի իշխանությունների պատրաստակամությունը՝ քննարկելու Թուրքիային անհանգստացնող խնդիրները»,- ասել է Ստոլտենբերգը։
Նրա խոսքով՝ «գլխավոր նպատակը հնարավորինս շուտ լուծում գտնելն է՝ Ֆինլանդիային ու Շվեդիային որպես ՆԱՏՕ-ի լիիրավ անդամներ հնարավորինս շուտ ողջունելու համար»։
Հավելենք, որ նախօրեին էլ Ֆինլանդիայի նախագահի հետ մամուլի ասուլիսում Ստոլտենբերգն ասել էր, որ Թուրքիայի կողմից բարձրացված անվտանգության մտահոգությունները՝ կապված ՆԱՏՕ-ին Հելսինկիի և Ստոկհոլմի անդամակցության հայտերի հետ, օրինական են։
Էմմա Չոբանյան
