15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Նախորդ տարի Հայաստանում գրանցվել է արտահանում/ՀՆԱ ամենաբարձր ցուցանիշը. ՀՀ տնտեսական զարգացման նախարարություն
Տնտեսություն
08.05.2018 | 11:49
Հայաստանից ապրանքների արտահանման աճը 2017 թվականին կազմել է 25․2 տոկոս ինչը վերջին 6 տարվա ամենաբարձր ցուցանիշն է, ընդ որում արտահանման աճի կեսից ավելին ապահովել է մշակող արդյունաբերությունը՝ նպաստումը կազմել է 12,7 տոկոսային կետ: Նման հավաստիացում է անում ՀՀ տնտեսական զարգացման նախարարությունը՝ իր տարածած հաղորդագրության մեջ:
Ապրանքների արտահանում, տարեկան աճ, տոկոս
2018 թվականի առաջին եռամսյակի ընթացքում գրանցվել է ապրանքների արտահանման ծավալի զգալի աճ՝ 34,4 տոկոսի չափով, ընդ որում Ավելին, 2018 թվականի առաջին եռամսյակի ապրանքների արտահանման աճի մեծ մասը (60 տոկոսից ավել) ապահովել է մշակող արդյունաբերությունը՝ նպաստումը կազմել է 20,8 տոկոսային կետ։ Այսպիսով, 2018 թվականի արտահանման աճի հիմնական մղող ուժը հանդիսացել է մշակող արդյունաբերությունը։
Ապրանքների արտահանում, եռամսյակային աճ, տոկոս (առաջին եռամսյակ)
2017-ին ապրանքների և ծառայությունների արտահանման աճն էլ կազմել է 19.7 տոկոս: Իսկ արտահանում/ՀՆԱ ցուցանիշը հասել է երբևէ գրանցված ամենաբարձր մակարդակին՝ 38.1 տոկոս: Այսպիսով, գրանցվել է աննախադեպ աճ՝ 5 տոկոսային կետով՝ 2016-ի 33.1 տոկոսի համեմատ։
Ապրանքների և ծառայություններ արտահանում/ՀՆԱ, տոկոս
