09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱՄՆ-ը մտադիր է մոտ ապագայում խստացնել Ռուսաստանի դեմ պատժամիջոցները
Քաղաքականություն
10.06.2022 | 22:30
ԱՄՆ-ը պատրաստվում է ապագայում խստացնել Ռուսաստանի դեմ պատժամիջոցների ռեժիմը։ Այս մասին հայտարարել է ԱՄՆ պետքարտուղարի տնտեսական և բիզնեսի հարցերով օգնականի տեղակալ Էրիկ Վուդհաուսը, գրում է ՏԱՍՍ-ը։
«Քանի դեռ Ռուսաստանը շարժվում է իր ներկայիս ընթացքով, մենք նույնպես կշարունակենք մեր ընթացքը: Մենք և մեր դաշնակիցներն ու գործընկերները կշարունակենք դիտարկել գործողության տարբերակներ՝ անհրաժեշտության դեպքում ճնշումը պահպանելու և ընդլայնելու համար, եթե Ռուսաստանը շարունակի իր ներկայիս ընթացքը»,- ասել է պաշտոնյան։
Նա նշել է, որ հուսով են՝ ինչ-որ փուլում դա կփոխվի։
«Կարծում եմ, որ կարճաժամկետ հեռանկարում բոլորը պետք է ակնկալեն, որ մենք կշարունակենք շարժվել մեր ուղով, կշարունակենք պահպանել և նույնիսկ ընդլայնել ձեռնարկված միջոցառումների շրջանակն ու ինտենսիվությունը»,- ասել է Վուդհաուսը։
Նա հավելել է, որ ԱՄՆ-ն ու դաշնակիցները հենց սկզբից հասկացել են, որ վնասներ են կրելու Ռուսաստանի դեմ պատժամիջոցներից, և պատրաստ են եղել դրան։
Էմմա Չոբանյան
