09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ֆինլանդիայի պետական լրատվամիջոցն Էրդողանին բռնապետ է անվանել
Քաղաքականություն
10.06.2022 | 21:09
Ֆինլանդիայի հանրային YLE լրատվականի տնօրեն և գլխավոր խմբագիր Ջոուկո Ջոկինենը մերժել է Թուրքիայի նախագահ Ռեջեփ Թայիփ Էրդողանի պահանջները՝ դադարեցնելու «ահաբեկիչների առաջնորդների» հետ հարցազրույցները՝ դրանք բնութագրելով որպես «բռնապետի զառանցական երևակայություն», գրում է Euractiv-ը։
ՆԱՏՕ-ին Ֆինլանդիայի և Շվեդիայի անդամակցությանը համաձայնության համար նախագահ Ռեջեփ Թայիփ Էրդողանի նախապայմաններից մեկն էլ այն է, որ երկրների հանրային հեռարձակողները պետք է դադարեցնեն «ահաբեկիչների առաջնորդների» հետ հեռուստահարցազրույցներ վարել: Էրդողանը նման հայտարարություն էր արել հունիսի 8-ին Վենեսուելայի նախագահ Նիկոլաս Մադուրոյի հետ մամուլի ասուլիսում։
«Աշխարհը չի փոխվի՝ փորձելով օգտագործել լրատվամիջոցները և խոսքի ազատությունը»,- ասել է Ջոկինենը YLE-ի կայքում:
Ֆինլանդիայի ԱԳ նախարար Պեքքա Հաավիստոն ևս իր աջակցություն է հայտնել։
«Ֆիննական հեռարձակող ընկերությունը, ինչպես երկրի բոլոր լրատվամիջոցները, վայելում է մամուլի ամբողջական ազատությունը: Դա, իհարկե, անձեռնմխելի բան է Ֆինլանդիայում»,- ասել է նա։
Էմմա Չոբանյան
