10.10.2026 | 12:57
Նավթի գներն աճել են
«ՌԻԱ Նովոստին» կայքից հեռացրել է Ադրբեջանի դժգոհությունն առաջացրած Արտակ Բեգլարյանի հետ հարցազրույցը
Քաղաքականություն
10.06.2022 | 13:32
Ռուսական «ՌԻԱ Նովոստի» լրատվական գործակալությունը կայքից ջնջել է հունիսի 3-ին հրապարակված Արցախի պետնախարար Արտակ Բեգլարյանի հետ հարցազրույցը։ Ռուսական լրատվամիջոցի կայքում Բեգլարյանի հարցազրույցի հղումը ցույց է տալիս, որ նման էջ գոյություն չունի և այն սխալ է։
Նշենք, որ Արտակ Բեգլարյանի հետ հարցազրույցն առաջացրել էր Բաքվի դժգոհությունը, Ադրբեջանն էլ իր տարածքում արգելափակել էր «ՌԻԱ Նովոստիի» հասանելիությունը։ Ադրբեջանի ԱԳՆ-ն իր հերթին հայտարարություն էր տարածել՝ նշելով, թե «ՌԻԱ Նովոստիի» նմանատիպ նյութերը հակասում են Ադրբեջանի և Ռուսաստանի միջև բարեկամության, անվտանգության և ռազմավարական գործընկերության համաձայնագրի և Դաշնակցային փոխգործակցության մասին հռչակագրի դրույթներին։
««ՌԻԱ Նովոստիի» կողմից Ադրբեջանի տարածքային ամբողջականության դեմ և անջատողական միտումներ քարոզող տեղեկատվության տարածումը չի համապատասխանում Ադրբեջանի և Ռուսաստանի միջև բարեկամական հարաբերությունների ոգուն և լուրջ ափսոսանք է առաջացնում»,- հայտարարել էր Ադրբեջանի ԱԳՆ մամուլի ծառայության ղեկավար Լեյլա Աբդուլլաևան։
Էմմա Չոբանյան
