29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Իշխանությունները փորձում են սիրաշահել ՍԴ դատավորներին․ Հայկ Մարտիրոսյան․ ՏԵՍԱՆՅՈՒԹ
Հասարակություն
10.06.2022 | 13:23
«Դատական համակարգի անկախության կարևորագույն երաշխիքներից մեկը սոցիալական ապահովությունն է, իհարկե ծանրաբեռնված են դատավորները, բայց դա չափանիշ չէ, և կառավարությունն ու իշխանությունները պետք է գնան այն քաղաքականությանը, որ նվազեցնեն ծանրաբեռնվածությունը՝ առաջին հերթին արհեստական ծանրաբեռնվածությունը, երկրորդ հերթին ստեղծեն այնպիսի իրավիճակ, որ դատավորները պարտավորված չլինեն իրենց վարույթում ունենալ 300 -600 գործ, ինչն անտրամաբանական է. ինչքան ուզում ես աշխատավարձը բարձրացրու, միևնույն է ֆիզիկապես հնարավոր չէ այդ քանակի գործերի քննությամբ որակի ցուցանիշ ապահովել»,- «Բարձր աշխատավարձ․ դատավորները կնայեն մարդկանց ձեռքի՞ն, թե՞ աչքերին» թեմայով քննարկման ժամանակ այս մասին նշեց Թրանսփարենսի Ինթերնեշնլ հակակոռուպցիոն կենտրոնի իրավական հարցերով փորձագետ Հայկ Մարտիրոսյանը:
«Հաշվի առնելով այն, որ մեր երկրում դատական համակարգի վարձատրության չափանիշը միջինից բարձր է, և դա դեռևս արդյունավետություն չի ապահովում, հարց է առաջանում դրան զուգահեռ քայլեր իրականացվում են թե ոչ. տեսնում ենք, որ չեն իրականացվում»,- նշեց փորձագետը:
Մարտիրոսյանի դիտարկմամբ՝ միգուցե ՍԴ և Վճռաբեկ դատարանի դատավորների աշխատավարձերի բարձրացումը այլ օրակարգի հետ կապված հարց է: «ՍԴ-ն առաջիկայում քննելու և ուսումնասիրելու է երկրի համար կարևոր նշանակություն ունեցող հարցեր և միգուցե աշախատավարձ բարձրացնելով՝ փորձում են «սիրաշահել» ՍԴ դատավորներին, Վճռաբեկ դատարանն էլ ձեռքի հետ ընկավ ազդեցության տակ, որ միան ՍԴ դատավորների հանգամանքը չշեշտադրվի»:
Փորձագետն ընդգծեց, որ որևէ տրամաբանության չի ենթարկվում առաջին ատյանի դատական համակարգի դատավորների աշխատավարձերի չբարձրացմանը զուգահեռ վերին ատյանների դատավորների աշխատավարձերի կտրուկ բարձրացումը:
Մանրամասները՝ տեսանյութում:
