20.11.2024 | 13:25
Քննչական կոմիտեում նկարների անհետացման գործը առաջ չի գնում, դիմել ենք ՊՎԾ-ին․ փաստաբան․ ՏԵՍԱՆՅՈՒԹ
«Սխալ ա հաշված», «Չէ, ճիշտ ա հաշված». թեժ քննարկում՝ ԱԺ-ում․ ՏԵՍԱՆՅՈՒԹ
Քաղաքականություն
10.06.2022 | 12:33
ԱԺ Ֆինանսավարկային և բյուջետային ու Առողջապահության հարցերի մշտական հանձնաժողովների համատեղ նիստում քննարկվում է կորոնավիրուսային համավարակի ընթացքում առողջապահության ծախսերի արդյունավետության վերաբերյալ հաշվեքննիչ պալատի զեկույցը։
«Չեմ կարծում, որ եզրակացությունը քաղաքական չէ… Մենք առաջարներ ենք արել, որ հաշվեքննության մեջ փոփոխություններ լինեն, բայց ոչ մի փոփոխություն չի եղել: Մեր հակադարձումները եղել են տրամաբանական՝ ելնելով հաշվեքննության արդյունքում ստացված թվերից»,- այս մասին նշեց «Սուրբ Գրիգոր Լուսավորիչ» ԲԿ տնօրեն Արման Հովակիմյանը:
Նրա խոսքով՝ ըստ Հաշվեքննիչ պալատի եզրահանգման՝ 2020-ին ՀՀ վերակենդանացման բաժանմունքների 72 տոկոսն ազատ է եղել, մինչդեռ այդ ժամանակահատվածում մարդիկ վերակենդանացման բաժանմունքներում տեղ էին փնտրում, որ հիվանդ տեղավորեին, և այդ ժամանակ կառավարությունը ստրատեգիական որոշում էր կայացրել «Սուրբ Գրիգոր Լուսավորիչ» ԲԿ-ում 40 մահճակալային ֆոնդով վերակենդանացման բաժանմունք ստեղծել: Ներկայացնելով ևս մի շարք այլ տվյալներ և դրանք համեմատելով Հաշվեքննիչ պալատի զեկույցում ներկայացված տվյալների հետ՝ Հովակիմյանն ընդգծեց. «Զեկույցում կոպտագույն սխալներ կան…»:
Հաշվեքննիչ պալատի նախագահ Ատոմ Ջանջուղազյանն ընդհատեց Հովակիմյանին՝ նշելով. «Մեր երկրում ինչ-որ բա՞ն է փոխվել, կարգավորումներ են վերանայվե՞լ, որ հանրային ֆինանսներով այսուհետ ընկերություններն են զբաղվում, այսինքն՝ քաղաքականություն իրականացնող մարմի՞ն է դարձել «Սուրբ Գրիգոր Լուսավորիչ» ԲԿ-ն… Կա առողջապահության նախարարություն, որը, ենթադրվում է, որ այդ քաղաքականության պատասխանատուն է»:
Առողջապահության նախարար Անահիտ Ավանեսյանն արձագանքեց. «Ունենք հրավիրյալներ, որոնք խոսքի իրավունք ունեն…»:
ԱԺ նիստում թեժ բանավեճ ծավալվեց:
Մանրամասները՝ տեսանյութում:
