20.08.2026 | 10:49
Ռումինիայում ԱԹՍ է ընկել Ուկրաինայի վրա ռուսական հարձակման ժամանակ
ԱՄՆ-ն Հայաստանի ու Ադրբեջանի հետ երկխոսություն է վարում խաղաղության գործընթացին աջակցելու համար․ Բաքվում ԱՄՆ դեսպան
Քաղաքականություն
09.06.2022 | 13:33
ԱՄՆ-ն երկխոսություն է վարում Հայաստանի ու Ադրբեջանի հետ խաղաղության գործընթացին աջակցելու համար։ Այս մասին հայտարարել է Ադրբեջանում ԱՄՆ դեսպան Էրլ Լիտցենբերգերը լրագրողների հետ ճեպազրույցում, գրում են ադրբեջանական լրատվամիջոցները։
«Միացյալ Նահանգները ներկայում երկխոսություն է վարում ինչպես Բաքվում, այնպես էլ Երևանում այն մասին, թե ինչ դեր կարող է ունենալ Վաշինգտոնը այստեղ խաղաղությանն աջակցման համար, այն է՝ ադրբեջանական ու հայկական կողմերի մասնակցությունը ուղիղ բանակցություններում բազմաթիվ չլուծված հարցերի շուրջ։ Մենք գտնում ենք, որ ԱՄՆ-ն կարող է այստեղ կարևոր ու օգտակար դերակատարում ունենալ»,-ասել է ԱՄՆ դեսպանը՝ընգծելով այս հարցում ԵՄ դերակատարումը։
«Մենք տեսնում են, որ ԵՄ-ն մեծ հաջողությունների է հասել և մենք վճռականորեն աջակցում ենք կողմերի միջև անմիջական փոխգործակցությանն ու շփումներին հեշտացնելու նրանց ջանքերին։ Դա ներառում է հանդիպումները առաջնորդների մակարդակով, ԱԳ նախարարների մակարդակով ու աշխատանքային խմբերի, որոնք ստեղծվել են այնպիսի հարցերի քննարկման համար, ինչպիսիք են սահմանների դեմարկացիան ու դելիմիտացիան, տրանսպորտային հաղորդակցությունների բացումը»,-ասել է Լիտցենբերգերը։
Էմմա Չոբանյան
