07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐ
Իտալիայում գործադուլի պատճառով 360 չվերթ է հետաձգվել
Քաղաքականություն
08.06.2022 | 21:44
Իտալիայի մի քանի ավիաընկերություններ չորեքշաբթի՝ հունիսի 8-ին չեղարկել են, ընդհանուր առմամբ, 360 չվերթ՝ իրենց աշխատակիցների արհմիությունների գործադուլի պատճառով։ Այս մասին տեղեկացրել է UIL Trasporti արհմիություններից մեկի ղեկավար Կլաուդիո Տարլացին, գրում է ՌԻԱ Նովոստին:
Գործադուլն ազդել է ցածր գնով ավիաընկերություններից ամենախոշորների վրա. նրանք թռիչքների ընդհատումներ են ունեցել 4 ժամ տևած գործադուլի ընթացքում: Այսպես, Easyjet-ի անձնակազմն ընդհատել է աշխատանքը տեղական ժամանակով ժամը 13:00-ից մինչև 17:00-ը, Ryanair-ի օդաչուները և թռիչքի անձնակազմը՝ ժամը 10:00-14:00-ն: Գործադուլին մասնակցել են նաև Wizz Air, Malta Air, Volotea ավիաընկերությունների և օդանավակայանի վերգետնյա ծառայությունների աշխատակիցները։
Ամենից շատ տուժել են Միլանի, Բերգամոյի և Սարդինիա կղզու օդանավակայանները, որտեղ, ընդհանուր առմամբ, 4000 ուղևոր է զգացել դրա հետևանքները։
